Аддзелам унутраных спраў Дзятлаўскага райвыканкама адшукваецца Сяргей Уладзіміравіч Загдай, 26.01.1939 года нараджэння, які прапаў без вестак.
Ён ураджэнец і жыхар вёскі Даўгялавічы, пайшоў з дому ў невядомым напрамку 21 верасня 2003 года і да гэтага часу яго месцазнаходжанне не ўстаноўлена.
Яго прыкметы: цяпер мужчыну на выгляд 80 гадоў, рост каля 175 сантыметраў, сярэдняга целаскладу, валасы кароткія, прамыя, сівыя, лоб высокі, бровы дугападобныя, доўгія, вочы блакітныя, нос вялікі, прамы, вушы і рот вялікія, падбародак двайны.
Асаблівыя прыкметы: вялікі палец на левай руцэ не выпрамляецца, на спіне на правай лапатцы ёсць нарост у выглядзе курынага яйка, каля левай лапаткі – чорная радзімая пляма памерам каля сантыметра квадратнага. Пра сябе амаль нічога не можа паведаміць, кепска вымаўляе словы, з’яўляецца інвалідам з дзяцінства.
Быў апрануты ў фіялетавую кашулю ў клетку з перавагай сіняга колеру, цёмна-сінія штаны з матэрыялу ў дробную палоску, моцна паношаныя светла-карычневыя туфлі.
Пры сабе меў маленькі кухонны нож з касцяной ручкай белага колеру з адтулінай, цыгарэты “Прыма”.
Калі вам што-небудзь вядома аб месцазнаходжанні і лёсе С. У. Загдая, неадкладна паведаміце ў аддзел крымінальнага вышуку АУС Дзятлаўскага райвыканкама па тэлефонах: 8-01563-2-12-60, 8-029-6800529 або ў дзяжурную часць: 8-01563-2-13-34, 8-01563-2-21-68 ці 102.
Дзяніс АЎРАМЕНКАЎ,
першы намеснік начальніка АУС Дзятлаўскага райвыканкама
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
