У райвыканкаме прайшоў семінар-вучоба па тэме “Змяненні ў заканадаўстве па архіўнай справе і справаводстве”, у якім прыняла ўдзел дырэктар установы “Занальны дзяржаўны архіў у горадзе Навагрудку” Ала Забялінская.
Ён адбыўся для адказных за справаводства работнікаў сельвыканкамаў і іншых дзяржаўных арганізацый. Яго мэта – данесці падрабязную інфармацыю аб унесеных змяненнях асноўных нарматыўна-прававых актаў, метадычных дакументаў да адказных асобаў.
На занятках семінара Ала Сцяпанаўна падрабязна спынілася на асноўных пытаннях змяненняў у Законе Рэспублікі Беларусь “Аб архіўнай справе і справаводстве”; адказнасці за парушэнне гэтага заканадаўства; змяненнях у Інструкцыі па справаводстве ў дзяржаўных органах і іншых арганізацыях. Звярнула ўвагу на правілы афармлення дакументаў згодна з Інструкцыяй па справаводстве ў дзяржаўных органах і іншых арганізацыях; на змяненні ў афармленні рэквізітаў дакументаў; асаблівасцях падрыхтоўкі і афармлення асобных відаў дакументаў; парадку афармлення копій; рэгістрацыі дакументаў і патрабаванняў да іх.
Асобна спынілася і на складанні наменклатуры спраў, захоўванні дакументаў у арганізацыі, адборы для захоўвання і знішчэння. Асаблівая ўвага датычылася змяненням, унесеным у новую рэдакцыю Пераліку тыпавых дакументаў, якія ўтвараюцца ў працэсе дзейнасці дзяржаўных органаў, іншых арганізацый і індывідуальных прадпрымальнікаў, а таксама новага ў Правілах работы архіваў дзяржаўных органаў і іншых арганізацый; змяненняў у Інструкцыі аб парадку працы з электроннымі дакументамі, у Правілах працы з дакументамі ў электронным выглядзе ў архівах дзяржаўных органаў, іншых арганізацый; парадак перадачы дакументаў у электронным выглядзе ў архіў.
У працэсе работы семінара і напрыканцы Ала Забялінская адказала на пытанні, якія хвалявалі прысутных.
Таццяна САНЮК
Фота Вольгі ЮШКЕВІЧ
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
