У Мінску адбылося ўзнагароджанне пераможцаў III Рэспубліканскага конкурсу дзіцячага малюнка“Нам мір завешчана берагчы”, арганізатарам якога выступіла Беларускае грамадскае аб’яднанне ветэранаў.
Галоўная задача конкурсу – звярнуцца да маладога пакалення праз выяўленчыя сродкі выразнасці, далучыць да памяці аб Вялікай Айчыннай вайне.
У фінал прайшлі 63 работы з 2,5 тысячы работ, якія паступілі на конкурс у раённыя саветы ветэранаў.
Дзве вучаніцы Новаяльнянскай дзіцячай школы мастацтваў годна прадставілі сваю ўстанову: ва ўзроставай катэгорыі 10-12 гадоў Ангеліна Шастала заваявала 2 месца з мастацкай работай “Ліст з перадавой”; Ксенія Кушаль была ўзнагароджана дыпломам фіналіста і адзначана спецыяльным прызам за работу “Час мужнасці” ва ўзроставай катэгорыі 13-15 гадоў (настаўніца Алена Гайдук). У малюнках яны выказалі свае эмоцыі, паказалі, як успрымаюць вайну, як яе бачаць. Такія конкурсы выхоўваюць у моладзі патрыятызм і любоў да краіны, павагу да тых людзей, якія аддалі сваё жыццё, абараняючы краіну. Вучні Алены Гайдук неаднаразова станавіліся прызёрамі міжнародных, рэспубліканскіх, абласных і рэгіянальных конкурсаў і выстаў мастацкіх работ, ужо другі год запар сталі прызёрамі III Рэспубліканскага конкурсу дзіцячага малюнка “Нам свет завешчана берагчы”.
Таццяна ШАНАЕВА,
дырэктар Новаяльнянскай дзіцячай школы мастацтваў
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
