У спартыўнай зале сярэдняй школы № 3 горада Дзятлава прайшло першынство раёна па валейболе сярод дзяўчат 2007-2009 гадоў нараджэння.
У спаборніцтвах прынялі ўдзел каманды пяці навучальных установаў раёна. Згодна з рашэннем судзейскай калегіі гульня праводзілася па кругавой сістэме. У выніку напружанай барацьбы прызавыя месцы размеркаваліся наступным чынам: пераможцай стала зборная сярэдняй школы № 3, віцэ-чэмпіёнам – каманда гімназіі № 1, бронзавым прызёрам – сярэдняя школа № 1 горада Дзятлава. Чацвёртае і пятае месца адпаведна занялі каманды Гезгалаўскай і Хвінявіцкай сярэдніх школ.
Каманда-пераможца была ўзнагароджана кубкам спаборніцтваў, а яе ўдзельніцы – медалямі ад раённага фізкультурна-спартыўнага клуба.
18 лютага ў Дзятлаве пройдуць раённыя спаборніцтвы па валейболе сярод юнакоў 2007-2009 гадоў нараджэння.
Наталля АВЯРЧУК
Фота прадастаўлена Дзятлаўскім ФСК
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga