У Мінску завяршыліся рэспубліканскія спаборніцтвы па хакеі “Залатая шайба” сярод хлопцаў 2006 года нараджэння і маладзейшыя ў дывізіёне “Б” у старэйшай узроставай групе.
У фінальны гульнявы дзень дзятлаўская каманда “Алмаз” аспрэчвала з хакеістамі Гомельскай вобласці званне чэмпіёна “Залатой шайбы”.
На жаль, нашым хлопцам крыху не хапіла да “вікторыі”: яны саступілі гамяльчанам з мінімальнай розніцай у ліку – 3 : 2.
Па выніках спаборніцтваў дзятлаўчане занялі другое месца.
На малой радзіме сябры, родныя і блізкія цёпла сустрэлі сярэбраных пераможцаў, павіншавалі іх з выдатным вынікам, уручылі памятныя фотаздымкі, у фае Цэнтра культуры і народнай творчасці арганізавалі для юных хакеістаў салодкі стол.
Вадзім ФІЛІПОЎСКІ
Фота Аляксандра БЕЛАВУСА і Вадзіма ФІЛІПОЎСКАГА
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga