Летнія канікулы ў самым разгары.
У ліпені навучэнцы Хвінявіцкага дзіцячага сада-сярэдняй школы адправіліся ў падарожжа ў горад Навагрудак.
Яны наведалі куточак Беларусі, прасякнуты духам шматвяковай гісторыі з найпрыгажэйшымі помнікамі культуры. Вандроўнікі даведаліся шмат новага і пазнавальнага ў Навагрудскім гісторыка-краязнаўчым музеі, пазнаёміліся з горадам, яго выдатнымі мясцінамі.
Асабліва зацікавілі дзяцей руіны замка. Школьнікі адчулі значнасць і каштоўнасць гэтага гістарычнага месца. А з Замкавай гары палюбаваліся прыгожымі краявідамі навагрудскай зямлі.
Лета пралятае вельмі хутка, але новыя адкрыцці застаюцца ў памяці надоўга.
Ала ПАЎЛОЎСКАЯ,
настаўніца пачатковых класаў Хвінявіцкага дзіцячага сада-сярэдняй школы
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
