Штогод у нашай краіне здараюцца выпадкі траўмавання людзей электрычным токам пры лоўлі рыбы або перамяшчэнні ў ахоўных зонах ліній электраперадачы.
У красавіку адбылася трагедыя ў аграгарадку Ходасы на Мсціслаўшчыне, пацярпелым стаў адзінаццацікласнік мясцовай школы. Пры перамене месца рыбалкі малады чалавек ішоў па беразе возера з раскладзенай вудай. Перабіраючыся праз кусты пад лініяй электраперадачы 110 кВ, каб не заблытаць леску, ён падняў вуду, тым самым наблізіўшы яе на недапушчальную адлегласць да провада, у выніку чаго патрапіў пад уздзеянне электрычнага току. Пацярпелы атрымаў апёкі ІІІ ступені 70 % цела, цяпер у цяжкім стане ён знаходзіцца ў бальніцы.
Расследаванне падобных няшчасных выпадкаў даказвае, што самай частай іх прычынай з’яўляецца асабістая неасцярожнасць пацярпелых або парушэнне правілаў электрабяспекі.
Паважаныя жыхары раёна! Каб рыбалка не ператварылася з адпачынку ў непрыемнае здарэнне, будзьце ўважлівыя і выконвайце правілы электрабяспекі.
Вячаслаў КЕЦЬ,
начальнік Дзятлаўскай райэнергаінспекцыі
Андрэй ГОМАН,
намеснік галоўнага інжынера Дзятлаўскага РЭС
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
