Летняе аздараўленне школьнікаў.
14 чэрвеня выхаванцы аздараўленчага летніка “Баравічок” і дзіцячага аддзялення “Баравічок” сустрэліся з супрацоўнікамі аддзела ўнутраных спраў Дзятлаўскага райвыканкама і раённага аддзела Дэпартамента аховы.
Госці расказалі дзецям аб правілах паводзінаў у грамадскіх месцах і адказнасці за правапарушэнні. З захапленнем дзеці слухалі выступленне кінолага, які прывёз з сабой службовага сабаку. Выхаванцы летніка з цікавасцю назіралі за паводзінамі чатырохногага “абаронцы”. Сабака дэманстраваў свае навыкі: паўдзельнічаў у паказальным затрыманні злачынцы, шукаў рэчы па паху.
Самым доўгачаканым і радасным момантам сустрэчы стала “прымерка” спецсродкаў, якія маюцца на ўзбраенні ў органах унутраных спраў, таксама дзеці мелі магчымасць патрымаць у руках зброю, сфатаграфавацца з ёю на памяць.
Крысціна ІОДА,
культарганізатар аздараўленчага летніка “Баравічок”
Читайте также:
Какая умная собачка: и преступников ловит, и с детьми общается.
Рейтинг комментария:
0
0