У рамках святочнай акцыі “Квітней, Дзятлаўшчына, пад мірным небам Беларусі!”, прымеркаванай да Дня Незалежнасці Рэспублікі Беларусь і юбілея горада Дзятлава, 28-29 чэрвеня ў арганізацыях і ўстановах нашага раёна праходзяць урачыстыя сходы і сустрэчы з ветэранамі працы.
Такое мерапрыемства ладзілася ў Цэнтры сацыяльнага абслугоўвання насельніцтва Дзятлаўскага раёна. На сустрэчу былі запрошаны ветэраны працы не толькі з райцэнтра, але і з іншых куткоў Дзятлаўшчыны. На жаль, не ўсе змаглі даехаць, але спецыялісты спадзяюцца, што ў іх абавязкова будзе магчымасць наведаць былых супрацоўнікаў дома.
У час урачыстай сустрэчы прысутных са святамі павіншавала дырэктар Цэнтра сацыяльнага абслугоўвання насельніцтва Дзятлаўскага раёна Таццяна Нікіпорчык. Пажадала актыўнага даўгалецця, шчасця, здароўя, сямейнага дабрабыту і заклікала цаніць і берагчы свабоду, за якую ў гады Вялікай Айчыннай вайны змагаліся нашы дзяды і прадзеды. Таццяна Сямёнаўна ўпэўнена, што свабода і шчасце – паняцці нераздзельныя і найбольш важныя для чалавека, як і малая радзіма, і ўсё гэта нам варта шанаваць.
Таксама Таццяна Нікіпорчык расказала пра святочныя мерапрыемствы, якія пройдуць у нашым раёне і вобласці. Зазначыла, што ў складзе дэлегацыі Дзятлаўскага раёна, якая сёння прымае ўдзел ва ўрачыстасцях у Гродне, – спецыяліст Цэнтра, яна ж старшыня раённай арганізацыі Таварыства Чырвонага Крыжа, – Галіна Касцюк.
Таццяна Сямёнаўна запрасіла ветэранаў працы абавязкова прыходзіць на святы, расказала, дзе будуць знаходзіцца пляцоўкі Цэнтра і як установа рыхтуецца сустрэць юбілей горада і Дзень Незалежнасці.
Пасля ўрачыстага сходу Таццяна Нікіпорчык з падарункамі, віншаваннямі наведала ветэрана працы ўпраўлення па працы, занятасці і сацыяльнай абароне райвыканкама, былую работніцу Цэнтра Тамару Маціевіч, якая прысвяціла сацыяльнай сферы 25 гадоў работы. Тамара Іванаўна гасцінна паклікала візіцёраў на свой падворак, які патанае ў кветках. Агародніцтва і кветкаводства – захапленні былой работніцы на пенсіі.
Гаспадыня парадавалася сустрэчы і расказала, што пра яе не забываюцца, што заўжды рада сустракацца з былымі калегамі. Упраўленне таксама прыслала ёй паштоўку з віншаваннямі і запрашэннем прыйсці на святы 2-3 ліпеня. Таццяна Нікіпорчык павіншавала Тамару Маціевіч і ад імя раённай арганізацыі грамадскага аб’яднання “Беларускі саюз жанчын” у рамках акцыі “Падары вышыванку сябру”.
Спецыялісты Цэнтра на працягу святочных дзён наведаюць і павіншуюць дома яшчэ некалькі былых работнікаў.
Ірына КАЎКЕЛЬ
Стоит почитать:
Ці застануцца ў Наваельні сосны?
Представители СМИ Гродненщины посетили Ошмянский район
Захаваем прыроду і бяспечнасць. Адзіны дзень інфармавання прайшоў у раёне