«Залаты ўзрост»: 27 верасня да Дня сталых людей у вёсках Боцкавічы і Таркачы адбыліся канцэрты з удзелам ансамбля народнай песні «Суседачкі» Данілавіцкага дома культуры.

З віншавальнымі словамі звярнуліся да прысутных старшыня Данілавіцкага сельвыканкама Ганна Жых і намеснік дырэктара па ідэалагічнай рабоце ААТ “Граніт-Агра” Людміла Мядзведзь. Спявалі і клікалі ў карагод завадныя «Суседачкі», байкі чыталі Ніна Лашкоўская і Аляксандра Карповіч, музычныя нумары дарыла Іна Анушкевіч. Добрае надвор’е спрыяла святочнаму настрою жыхароў вёскі.

Ю. Бакуновіч