22 верасня ў Беларусі будзе праводзіцца штогадовая міжнародная акцыя “Дзень без аўтамабіля”, якая накіравана на прыцягненне ўвагі грамадскасці да праблемы шкоднага ўплыву на стан навакольнага асяроддзя і здароўе насельніцтва залішняга выкарыстання ўласнага транспарту.
Давайце задумаемся і зробім дружалюбны крок да захавання прыроды, пакінуўшы 22 верасня свой аўтамабіль на стаянцы або ў гаражы. Перасядзем у гэты дзень на веласіпед, грамадскі транспарт або пераадолеем шлях да працы ці вучобы пешшу.