У рамках другога этапу акцыі “У цэнтры ўвагі — дзеці!” 7 верасня ва ўстановах адукацыі і аховы здароўя, а таксама Камітэта па працы, занятасці і сацыяльнай абароне насельніцтва пройдзе аперацыя “Эвакуацыя”.
Гэта практычная адпрацоўка дзеянняў пры надзвычайнай сітуацыі з удзелам дарослых і дзяцей. Набытыя навыкі і веды ў выпадку рэальнай пагрозы дапамогуць правільна зарыентавацца, а магчыма, і зберагчы чыё-небудзь здароўе або жыццё.
Асаблівая ўвага будзе нададзена ўстановам, дзе знаходзяцца дзеці, састарэлыя і грамадзяне з псіхафізічнымі асаблівасцямі. Тут вельмі важная падрыхтоўка персаналу, бо на яго ўскладаецца вялікая адказнасць за захаванне жыццяў людзей.
А. БЕЛЕНКА,
інспектар Дзятлаўскага РАНС
