Міністэрства па надзвычайных сітуацыях Беларусі выпусціла мультыплікацыйную серыю «Чароўная кніга». Серыя мультфільмаў «Чароўная кніга» навучыць дзяцей бяспечным паводзінам.
Галоўныя героі — разумны Бабёр, палахлівая Птушачка і дапытлівы Заяц у цікавай форме раскажуць малечы правілы бяспекі дома і на вуліцы, пра тое, чаму дзецям нельга карыстацца піратэхнікай і выходзіць на лёд. У розныя небяспечныя сітуацыі будзе трапляць Воўк, і кожны маленькі глядач напэўна не захоча апынуцца на яго месцы.
Цяпер замацоўваць правілы бяспекі разам з дзецьмі не толькі карысна, але і цікава.
Прыемнага прагляду!
