Асартымент выпускаемай прадукцыі “Дзятлаўскага лікёра-гарэлачнага завода “Алгонь” філіял “Навагрудскі вінзавод” уключае ў сябе не толькі алкагольныя напіткі, але і адзін з найстарэйшых безалкагольных карысных напояў – квас на рысавым грыбе. Сярод інгрэдыентаў напою няма ніводнай хімічнай дабаўкі. А па смакавых якасцях гэты напой не мае сабе роўных.
Завод выпускае квас на рысавым грыбе пад сэнсавай назвай “БОДРОДАР” – той, што дорыць бадзёрасць.
З ГІСТОРЫІ НАПОЮ
Гісторыя з’яўлення і першага выкарыстання рысавага грыба сыходзіць сваімі каранямі ў часы старажытных цывілізацый свету. Аб яго гаючых уласцівасцях было вядома ў ранніх дзяржавах Індыі, Кітая і некаторых іншых краінах.
Напой з рысавага грыба атрымаў сваё распаўсюджанне ў Расіі, калі былі наладжаны сувязі і гандлёвыя зносіны з Азіяй, а менавіта ў сярэдзіне XIX стагоддзя. Да еўрапейцаў рысавы грыб трапіў толькі ў пачатку XX стагоддзя. Адна з яго назваў – “марскі рыс”, але гэта не азначае, што біякультура жыве ў марскіх глыбінях. Відаць, вызначэнне марскі адбылося ад слова “заморскі”, што азначае “прывезены з іншай краіны, з-за мора”. А назва рыс замацавалася, верагодна, з-за яго формы: марскі рыс нагадвае развараныя макулінкі звычайнага рысу, які мы ўжываем у ежу. Людзі ўжо даўно ацанілі карысць рысавага грыба для свайго здароўя, таму і працягваюць вырошчваць, захоўваць і паспяхова ўжываць гэтую культуру ў народнай медыцыне.
КАРЫСНЫЯ ЯКАСЦІ НАПОЮ “БОДРОДАР”
Натуральны напой браджэння “БОДРОДАР” адрозніваецца не толькі арыгінальным асвяжальным смакам, але і карысны для здароўя. Гэта даказваюць даследаванні, праведзеныя ў дзяржаўнай установе “Навукова – вытворчы цэнтр “Інстытут фармакалогіі і біяхіміі Нацыянальнай акадэміі навук Беларусі”. Па выніках гэтых даследванняў было зроблена заключэнне, што квас на рысавым грыбе “БОДРОДАР” спрыяе аднаўленню парушэнняў абмену рэчываў, зніжэнню цукру ў крыві, павышае працаздольнасць, дапамагае пры бяссонніцы, нармалізуе кіслотнасць страўнікавага соку, эфектыўны пры адкладаннях соляў, рэўматызме, піяланефрыце, валодае супрацьвіруснай актыўнасцю, імунастымулюючым уздзеяннем. Ён карысны пры прастудзе, зніжэнні імунітэту, пры захворваннях страўнікава-кішачнага тракта і апорна-рухальнага апарата, парадантозе, стаматыце.
Рысавы грыб у працэсе жыццядзейнасці сінтэзуе 17 неабходных для арганізма чалавека амінакіслотаў, у тым ліку восем незаменных – трэанін, валін, меціянін, лейцын, ізалейцын, фенілаланін, трыптафан, лізін. Больш таго, сярод іх выяўлены дзве незаменныя для дзіцячага арганізма амінакіслаты – аргінін і гісцідзін. Гэта з’яўляецца важным фактарам, таму што частымі спажыўцамі безалкагольных напояў з’яўляюцца дзеці.
Акрамя таго, рысавы грыб выпрацоўвае шэраг важных вітамінаў – тыямін (В1), рыбафлавін (В2), ніацін (В3), пантатэнавую кіслату (В5), фоліевую кіслату (В9), такаферол (Е), аскарбінавую кіслату (С).
Спецыялісты адзначаюць, што не варта ігнараваць гэты лекавы напой у сезон вірусаў і прастудаў.
РАЗНАСТАЙНАСЦЬ ВІДАЎ
Для выпрацоўкі квасу на рысавым грыбе выкарыстоўваецца толькі натуральная высакаякасная сыравіна. Назапашаны вытворчы вопыт дазволіў прадпрыемству ўдасканаліць тэхналагічныя працэсы і выпрацаваць не адзін від напою, а некалькі па розных рэцэптурах. Цяпер наладжаны выпуск натуральных напояў браджэння на аснове рысавага грыба “БОДРОДАР – чёрная смородина”, “БОДРОДАР – клюква”, “БОДРОДАР – вишня”, аналагаў якім на спажывецкім рынку няма.
Сёння квас на рысавым грыбе «Дзятлаўскага лікёра-гарэлачнага завода “Алгонь” філіял “Навагрудскі вінзавод” прэтэндуе на званне нацыянальнага напою.
Набыць яго можна практычна ва ўсіх магазінах Дзятлаўскага раёна.
І. КАМАРОВА