Першае ў гэтым годзе, што дзейнічае пры Дзятлаўскім сацыяльна-педагагічным цэнтры і скіраваны на работу з падлеткамі, якія маюць праблемы ў выхаванні, адбылося ў гімназіі №1 горада Дзятлава.
Мерапрыемства прайшло з удзелам Благачыннага цэркваў Дзятлаўскай акругі протаіерэя Мікалая Пінчука, а таксама гасцей з Мінска — прадстаўнікоў саюза сястрынстваў міласэрнасці пры Беларускай Праваслаўнай царкве, сацыяльнага аддзела Мінскай епархіі, Мінскай сацыяльна-асветніцкай арганізацыі «Брыз».
Гасцей мерапрыемства прадставіла дырэктар сацыяльна-педадагічнага цэнтра Ала Жэгалік.
Распачалася сустрэча з разважжанняў пра шчасце і пошук шляхоў да яго. Над гэтым падлеткам прапанаваў падумаць протаіерэй Мікалай Пінчук. У сваім звароце да юнакоў і дзяўчат ён адзначыў:
— Не знойдзецца ніводнага чалавека, які не хацеў бы быць шчаслівым. Аднак многія шчасця не знаходзяць. Тлумачыцца гэта тым, што людзі шукаюць яго там, дзе яго няма.
Шчасце — гэта, калі чалавек робіць дабро, сее яго па зямлі. Калі ж чалавек сее зло, то ён ніколі не зможа стаць шчаслівым.
Другая частка мерапрыемства прайшла ў форме інтэрактыўнай гульні. Удзел у ёй прынялі не толькі падлеткі, але і дарослыя.
Гульня дала магчымасць пазнаёміцца між сабой, раскрыць свет захапленняў удзельнікаў сустрэчы.
Інтэрактыўнае мерапрыемства склалі шэраг заданняў і конкурсаў. Удзельнікам неабходна было ў творчай форме расказаць пра сябе, падзяліўшыся на дзве каманды, намаляваць дрэва.
Завяршылася мерапрыемства выступленнем Аляксандра Ільючыка — прадстаўніка моладзевай студыі па брэйк-дансе з Жодзіна.
А. ДУБРОЎСКАЯ
Фота П. АДАМЧУКА