У 2015 годзе ў Гродзенскай вобласці выраблена 1141 тысяча тон малака, што на 5,5% больш за ўзровень 2014 года. Аднак заданне па вытворчасці малака, даведзенае Рэспубліканскай праграмай развіцця малочнай галіны ў 2010-2015 гадах, выканана толькі на 73,5%. За 2015 год рост пагалоўя малочнага статку склаў 3 тысячы галоў з давядзеннем яго колькасці на 1 студзеня 2016 года да 217 тысячы галоў, што складае 86,8% да праграмы.
Адной з прычынаў невыканання паказчыкаў праграмы, на думку Камітэта дзяржаўнага кантролю Гродзенскай вобласці, з’явілася недасканаласць кармавой базы галіны і невыкананне тэхналагічных рэжымаў нарыхтоўкі кармоў.
Так, у 2015 годзе былі сур’ёзныя праблемы з забяспечанасцю кармамі ў Ваўкавыскім, Дзятлаўскім, Лідскім і Слонімскім раёнах.
На бягучую зімоўку па стане на 01.11.2015 года ў вобласці нарыхтавана толькі 1179,8 тысячы тон кармавых адзінак травяністых кармоў (92,5% да аналагічнага ўзроўню 2014 года). У разліку на ўмоўную галаву нарыхтавана 23,1 ц к. а., што ніжэй за ўзровень 2014 года на 2,8 ц к. а. У Слонімскім, Дзятлаўскім, Ваўкавыскім і Лідскім раёнах гэты паказчык склаў адпаведна толькі 16 ц к. а, 17 ц к. а., 19,3 ц к. а. і 19,8 ц к. а.
Недахоп кармоў прывёў да скарачэння вытворчасці малака ў бягучы зімова-стойловый перыяд (з 1 кастрычніка 2015 года па 1 студзеня 2016 года). Так, да аналагічнага перыяду 2014-2015 гадоў у Слонімскім, Дзятлаўскім і Свіслацкім раёнах вытворчасць малака склала 94,9%, 96% і 98,6% адпаведна.
Такім чынам, у 2016 годзе сельскагаспадарчым арганізацыям вобласці неабходна ўзмацніць работу па нарыхтоўцы кармоў, пры гэтым асабліва надаўшы ўвагу іх якасці.
А. ДАРОЖКА,
намеснік старшыні Камітэта дзяржаўнага кантролю Гродзенскай вобласці