Яшчэ адным перадавіком сёлетняга жніва стаў вадзіцель КСУП “Русь-Агра” Арцём Бандарэнка, які перавёз 1016 тон зерня.

Уборачная кампанія ў раёне выйшла на фінішную прамую. Хуткімі тэмпамі растуць намалоты, а разам з імі – уласныя дасягненні камбайнераў, якія шчыруюць на залатых хлебных нівах,  і вадзіцеляў, занятых на адвозцы збожжа. Яшчэ адным лідарам працоўнага спаборніцтва і перадавіком сёлетняга жніва стаў вадзіцель КСУП “Русь-Агра” Арцём Бандарэнка, які перавёз 1016 тон зерня.

Словы віншаванняў і добрыя пажаданні маладому вадзіцелю-тысячніку выказалі старшыня РК прафсаюза работнікаў аграпрамысловага комплексу Уладзімір Казак, кіраўнік КСУП “Русь-Агра” Сяргей Лупач, яго намеснік па ідэалагічнай рабоце Вадзім Царык і юрысконсульт КСУП “Русь-Агра” Лізавета Фіберг. Яны пажадалі маладому вадзіцелю моцнага здароўя, сямейнага дабрабыту, новых дасягненняў і перамог.

Арцём Бандарэнка працуе вадзіцелем у КСУП “Русь-Агра” трэці год. Перадавіком жніва стаў упершыню.

– Спадзяюся, не апошні, – усміхаецца Арцём.

Ён упэўнены, што праца на зямлі – справа адказная, але разам з тым цікавая. Кожны дзень прыносіць новыя выпрабаванні, разнастайныя заданні, таму сумаваць не прыходзіцца.

“Толькі наперад” – з такімі словамі кожную працоўную раніцу садзіцца за руль МАЗа-551605 малады вадзіцель, з гэтымі ж словамі, як з дэвізам, крочыць па жыцці. Таму і справа спорыцца, і дасягненні радуюць.

У самы адказны аграрны перыяд Арцём Бандарэнка адвозіць зерне ад камбайнаў, паралельна займаецца нарыхтоўкай кармоў.

Кіраўнік КСУП “Русь-Агра” Сяргей Лупач адзначае адметныя рысы характару маладога і перспектыўнага вадзіцеля, характарызуе яго як станоўчага і адказнага працаўніка, хуткага “на пад’ём”. Арцёма Бандарэнку калегі па працы лічаць працаздольным, добразычлівым, які імкнецца не проста адпрацаваць адведзены час, а зрабіць гэта з поўнай аддачай.

За дасягненне высокіх паказчыкаў, за прафесійнае майстэрства і якаснае выкарыстанне тэхнікі на ўборцы ўраджаю, за самаадданасць справе Уладзімір Казак уручыў перадавіку жніва Арцёму Бандарэнку Падзячны ліст, грашовую прэмію, а таксама традыцыйныя падарункі са жніўнай сімволікай. Каштоўны падарунак і словы ўдзячнасці прымаў Арцём Бандарэнка і ад кіраўніцтва сельгасарганізацыі, у якой працуе.

Аксана АНДАЛЮКЕВІЧ

Фота аўтара

 

administrator

Recent Posts

Холода не прощают беспечности

С наступлением поздней осени на первый план выходит риск возникновения пожаров и чрезвычайных ситуаций в…

6 часов ago

Ведае ўчастковы. Дайце, калі ласка, чэк

Пытанне: купляў на рынку куртку і папрасіў выдаць чэк. Прадавец сказаў, што не можа гэта…

6 часов ago

Праект “Жамчужыны зямлі Дзятлаўскай”. Таісія Сакалоўская: “Не магу сядзець без справы”

Творчы калектыў сектара нестацыянарнага абслугоўвання насельніцтва наведаў 80-гадовую юбілярку з аграгарадка Войневічы Таісію Сакалоўскую, каб…

7 часов ago

“Храму ведаў” гарпасёлка Наваельня 60 гадоў

Поўная зала сяброў, шчырыя пажаданні, цёплыя апладысменты, кранальныя ўспаміны, мілагучныя песні, памятныя падарункі – так…

20 часов ago

В Дятловском районе завершилось специальное профилактическое мероприятие «Дом без пожара»

На территории Дятловского района завершилось специальное профилактическое мероприятие «Дом без пожара», направленное на предупреждение пожаров…

20 часов ago

Тры дзесяцігоддзі, прысвечаныя людзям

У Новаяльнянскім сельскім выканаўчым камітэце на заслужаны адпачынак урачыста праводзілі кіраўніка спраў Ірыну Каспяровіч. Ірына…

21 час ago