Добрай традыцыяй нашага раёна стала адзначаць узнагародамі лідараў моладзевых спаборніцтваў на жніве.
16 жніўня віншаванні ад першага сакратара раённага камітэта ГА “БРСМ” Кацярыны Хілімончык прымалі маладыя тысячнікі сёлетняй уборачнай кампаніі з ААТ “Граніт-Агра”.
Добрыя словы і пажаданні прагучалі на адрас моладзевых камбайнавых экіпажаў гаспадаркі – камбайнера Андрэя Літвінскага і яго памочніка Аляксандра Паршука, камбайнера Аляксандра Майсейчыка і яго памочніка Арцёма Літвінскага. Віншаванні ў гэты ж дзень прымаў і малады вадзіцель сельгаспрадпрыемства Віталій Макарчук.
За працоўныя поспехі і дастойны ўклад у хлебны каравай раёна Кацярына Хілімончык уручыла выніковым работнікам граматы і падарункі ад раённага камітэта ГА “БРСМ”, пажадала і надалей трымаць бадзёры тэмп, не скарацца цяжкасцям і заставацца лідарамі на хлебным полі.
Ірына СТЫРНІК
Фота прадастаўлена Кацярынай ХІЛІМОНЧЫК
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
