Па-сяброўску весела ў цёплай святочнай абстаноўцы ў раённай бібліятэцы прайшло мерапрыемства, прысвечанае самаму важнаму святу жанчын – Дню маці.
Сярод яго ўдзельнікаў – наведвальнікі клуба “Нам гады не бяда”, члены раённага савета ветэранаў, супрацоўнікі раённай бібліятэкі і аматары літаратурнага слова.
Арганізатары святочнага мерапрыемства паклапаціліся аб стварэнні ўтульнай, амаль дамашняй, цёплай атмасферы і парадавалі цікавай святочнай праграмай.
На працягу сустрэчы гучалі добра вядомыя песні ў выкананні ўдзельнікаў мерапрыемства, гумарыстычныя гісторыі-ўспаміны з жыцця.
Свае вершы прачыталі Раіса Лакіза, Лідзія Нічыпар, Георгій Шундрык, празаічныя творы — Леанарда Юргілевіч.
Асабліва запамінальнымі і багатымі на гумар былі разнастайныя конкурсы, парадавалі гледачоў смелы і крэатыўны падыход да выканання заданняў.
У рамках мерапрыемства ладзілася выстава-прэзентацыя літаратурных і мастацкіх твораў знакамітых паэтаў, празаікаў, мастакоў.
Аксана АНДАЛЮКЕВІЧ
