Зорныя старты

20-22 верасня 2019 года на базе Дзятлаўскага раённага цэнтра культуры і народнай творчасці будзе праводзіцца раённы конкурс сярод арганізацый і ўстаноў Дзятлаўскага раёна “Зорныя старты”, прымеркаваны да 75-годдзя ўтварэння Гродзенскай вобласці.

Яго мэтай з’яўляецца фарміраванне пазітыўнага іміджу арганізацый і ўстаноў Дзятлаўскага раёна, накіраванага на годную сустрэчу 75-годдзя ўтварэння Гродзенскай вобласці.

Для ўдзелу ў раённым конкурсе “Зорныя старты” арганізацыямі і ўстановамі Дзятлаўскага раёна ў аргкамітэт падаюцца заяўкі ў тэрмін да 10 верасня 2019 года.

Конкурс будзе праводзіцца ў два этапы:

1 этап (адборачны) – 20 верасня (арганізацыі сацыяльнай і будаўнічай галін), 21 верасня (сельскагаспадарчай і прамысловай галін). Адбудзецца праслухоўванне і адбор лепшых творчых калектываў і выканаўцаў;

2 этап – 22 верасня – гала-канцэрт пераможцаў. Адбудзецца фінальны канцэрт і ўзнагароджанне пераможцаў адборачнага тура.

Намінацыі раённага конкурсу “Зорныя старты”:

“Візітная картка” – арганізацыі ў творчай форме прадстаўляюць сваю арганізацыю, установу;

“Не так важна мець талент, як яго выявіць!” – раскрыццё талентаў работнікаў арганізацыі (установы) у розных творчых напрамках  (“Вакальная творчасць”, “Мастацкае чытанне”, “Інструментальная музыка”, “Фотаработы”, “Дэкаратыўна-прыкладное мастацтва”, “Харэаграфія”);

па напрамках “Фотаработы” і “Дэкаратыўна-прыкладное мастацтва” павінны быць аформленыя міні-выставы ў фае Цэнтра культуры і народнай творчасці.

Для пераможцаў, прызёраў па выніках удзелу ва ўсіх намінацыях устанаўліваюцца грашовыя прэміі ў наступных памерах:

гран-пры – 6 базавых велічынь;

за першае месца – 5 базавых велічынь;

за другое месца – 4 базавыя велічыні;

за трэцяе месца – 3 базавыя велічыні.

Для пераможцаў, прызёраў па выніках удзелу ў асобных намінацыях устанаўліваюцца грашовыя прэміі і іншыя ўзнагароды на суму:

за першае месца – 3 базавыя велічыні;

за другое месца – 2 базавыя велічыні;

за трэцяе месца – 1 базавая велічыня.

Журы пакідае за сабой права прысуджаць спецыяльныя дыпломы і прызавыя месцы ў асобных намінацыях.

Аргкамітэт