У рамках рэспубліканскай акцыі “Яблыневы сад” грамадскага аб’яднання “Беларускі саюз жанчын” на Гродзеншчыне пасаджана больш за чатыры тысячы дрэў.
Нядаўна яблыневую алею актывісткі Прынёмання высадзілі ў СВК “Прагрэс-Верцялішкі”. Удзел у карыснай справе прымалі прадстаўніцы Гродзенскай абласной арганізацыі ГА “Беларускі саюз жанчын” з усіх раёнаў нашай вобласці. Дзятлаўшчыну на сустрэчы прадстаўляла лідар раённай арганізацыі ГА “БСЖ”, начальнік упраўлення па працы, занятасці і сацыяльнай абароне райвыканкама Алена Васкель.
Як расказала Алена Раманаўна, у закладцы алеі паўдзельнічалі больш за пяцьдзясят прадстаўніц жаночага руху вобласці. Сярод жанчын, якія высаджвалі дрэўцы, былі лідар абласной арганізацыі Ірына Сцепаненка, а таксама старшыня Гродзенскага абласнога Савета дэпутатаў Алена Пасюта.
Кожны са ста саджанцаў быў імянным і прысвячаўся жанчынам, якія стаялі ля вытокаў жаночага руху, а таксама прадаўжаюць праслаўляць нашу родную Гродзеншчыну. З’явіліся на алеі і яблынькі з імёнамі чатырох дзятлаўчанак – Галіны Чура, Людмілы Асіпук, Ніны Красільнікавай, Сабіны Брузго.
Ірына СТЫРНІК
Фота арганізатараў
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
#годбелорусскойженщины
