З 8 па 14 чэрвеня ў Беларусі праходзіць Тыдзень нулявога траўматызму

Мерапрыемства скіравана на забеспячэнне бяспекі і здароўя работнікаў на працоўных месцах, папярэджанне выпадкаў вытворчага траўматызму праз аператыўнае выяўленне парушэнняў нормаў аховы працы і выкарыстанне мер па іх ухіленні.

Галоўныя мэты Тыдня нулявога траўматызму:

– забеспячэнне бяспекі і здароўя работнікаў;

– папярэджанне выпадкаў вытворчага траўматызму;

– аператыўнае выяўленне парушэнняў нормаў аховы працы і іх узмацненне;

– актыўнае ўзаемадзеянне наймальнікаў і прадстаўнікоў грамадскага кантролю па ахове працы;

– узмацненне кантролю за захаваннем заканадаўства аб ахове працы.

У рамках Тыдня нулявога траўматызму 10 чэрвеня Дзятлаўшчыну наведаюць рэйдавыя групы тэхнічнай інспекцыі працы ФПБ, якія правядуць маніторынгі з ажыццяўленнем грамадскага кантролю за захаваннем заканадаўства аб ахове працы і выкананнем калектыўнага дагавора ў шэрагу арганізацый, якія функцыянуюць на тэрыторыі раёна.

У гэты ж дзень у 15 гадзін у райвыканкаме пройдзе семінар-нарада па ўмовах і ахове працы, скіраваны на прафілактыку вытворчага траўматызму, для кіраўнікоў і спецыялістаў арганізацый, старшыняў прафкамаў з удзелам прадстаўнікоў Гродзенскага абласнога ўпраўлення Дэпартамента дзяржаўнай інспекцыі працы, тэхнічных інспектараў працы прафсаюзаў і іншых зацікаўленых.

Ірына СТЫРНІК

Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga