Суіцыдальныя паводзіны – лад мыслення і паталагічная форма дзеянняў пасіўнага тыпу, надзвычай небяспечны спосаб вырашэння жыццёвых праблем.
З тэарэтычнага пункту гледжання самагубства – прагназуемая з’ява, якую можна прадухіліць. Устаноўлена, што самагубствы часцей здзяйсняюцца ў дыяпазоне ад 15 да 25 гадоў і ў пажылым узросце – пасля 70. Па статыстыцы, штогадовая смяротнасць з-за суіцыду ў свеце складае каля 1 % усіх смяротных выпадкаў. Мужчыны становяцца ахвярамі суіцыдальных дзеянняў у чатыры разы часцей, чым жанчыны.
Хоць на працягу некалькіх стагоддзяў праводзіліся шматлікія вывучэнні пытання з мэтай даць тэарэтычнае абгрунтаванне гэтай з’яве, на сёння адсутнічае адзіная тэорыя, якая тлумачыць біялагічную прыроду самагубстваў. Сярод асноўных прычын суіцыду выдзяляюць генетычную схільнасць, нізкі ўзровень жыцця ў сям’і, страту блізкага чалавека, праблемы ў сямейных адносінах, псіхалагічныя і фізічныя траўмы, атрыманыя ў дзіцячым узросце, алкагалізм і наркатычную залежнасць.
Задача папярэджання суіцыдаў заключаецца ва ўменні распазнаць прыкметы небяспекі, прыняць індывіда як асобу, устанавіць давяральныя ўзаемаадносіны. Чалавек, які збіраецца стаць на шлях самазнішчэння, мае патрэбу ва ўвазе. Ён хоча, каб яго выслухалі, не асуджаючы, абмеркавалі з ім яго боль ці праблему. Трэба гэта ведаць самому і пры неабходнасці накіраваць чалавека ў крызіснай сітуацыі да спецыяліста, які акажа дапамогу.
У Дзятлаўскім раёне (як і ўсёй Рэспубліцы Беларусь) дапамога і лячэнне ў псіхолага, доктара-псіхатэрапеўта, доктара псіхіятра-нарколага аказваецца ў дзяржаўных установах аховы здароўя бясплатна. Таксама кругласутачна працуе “Тэлефон даверу 170” па аказанні псіхалагічнай дапамогі на ананімнай бясплатнай аснове.
Па аказанне псіхалагічнай і псіхатэрапеўтычнай дапамогі можна звярнуцца ў Дзятлаўскую цэнтральную раённую бальніцу, папярэдне патэлефанаваўшы на нумар 6-48-36 ці звярнуцца асабіста па буднях з 8 да 16 гадзін. Пры ўзнікненні экстраннай сітуацыі, пагрозы жыццю блізкага чалавека, пры выказванні ім суіцыдальных намераў неабходна неадкладна выклікаць брыгаду хуткай медыцынскай дапамогі па тэлефоне 103.
Барыс ОТЧЫК,
доктар псіхіятр-нарколаг Дзятлаўскай ЦРБ
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
На Дзятлаўшчыне праходзіць праверка работы аб’ектаў аховы здароўя і сацыяльных аб’ектаў у сферы пажарнай бяспекі,…
В целях предупреждения и профилактики детского дорожно-транспортного травматизма, в период с 25 августа по 5…
КГК Гродненской области выявил нарушения при исполнении поручения Главы государства о наведении порядка на земле…
Комитетом государственного контроля Гродненской области изучается вопрос своевременности выплаты заработной платы, среднего заработка за время…
Указ Президента Республики Беларусь от 27.11.2000 № 631 «О предоставлении льготных кредитов отдельным категориям граждан». Данная…
Организаторы его проведения – Белорусский профессиональный союз работников транспорта и коммуникаций и его молодежный совет.…