Выкажыце сваё меркаванне

Міністэрства па надзвычайных сітуацыях і Міністэрства ўнутраных спраў да 30 чэрвеня праводзяць грамадскае абмеркаванне па пытанні ўвядзення абмежаванняў на прымяненне піратэхнічных вырабаў бытавога прызначэння III класа небяспекі (у тым ліку падкласа небяспекі ІІІа) па месцы і часе іх выкарыстання.

Даведка

За перыяд калядных і навагодніх святаў у выніку выкарыстання грамадзянамі піратэхнічных вырабаў бытавога прызначэння ў 2019 годзе адбылося 34 няшчасныя выпадкі (траўмаваны 34 чалавекі, з іх 11 дзяцей). Прычынай усіх атрыманых траўмаў з’явілася не дрэнная якасць піратэхнічных вырабаў, а парушэнне правілаў бяспекі пры іх выкарыстанні.

Міністэрства па надзвычайных сітуацыях сумесна з Міністэрствам унутраных спраў праводзіць аналіз мэтазгоднасці ўвядзення наступных абмежаванняў па ўжыванні піратэхнічных вырабаў:

устанаўленне (з улікам вынікаў грамадскага абмеркавання) у населеных пунктах месцаў, дзе забаронена выкарыстанне піратэхнічных вырабаў або вызначэнне пераліку спецыяльных месцаў (раёнаў, пляцовак), якія знаходзяцца па-за прыдамавымі тэрыторыямі, дзе будзе дазволена выкарыстоўваць піратэхнічныя вырабы бытавога прызначэння III класа небяспекі (у тым ліку падкласа небяспекі ІІІа), а таксама правядзенне юрыдычнымі асобамі феерверкаў з выкарыстаннем піратэхнічных вырабаў IV і V класаў небяспекі;

увядзенне на дзяржаўным (мясцовым) узроўні абмежавання на выкарыстанне піратэхнічных вырабаў з 22 да 6 гадзін і рэгламенту працягласці правядзення феерверкаў.

Абгрунтаваныя заўвагі і прапановы просім накіроўваць па e-mail: gornadzor@tut.by або тэлефоне (8017)212-43-60.

Гродзенскае абласное ўпраўленне Дзяржпрамнагляду