Круглая дата – цудоўная нагода, каб сабрацца разам і прагартаць старонкі гісторыі.
Напярэдадні юбілею з 30-годдзем службы яе ветэранаў павіншавалі і ўручылі прыемныя падарункі начальнік Дзятлаўскага раённага аддзела Фонда сацыяльнай абароны насельніцтва Марыя Жыдко і старшы інспектар Вольга Кардаш.
Для ўшанавання ў аддзел былі запрошаны Галіна Чура, Валянціна Яхімовіч, Ірына Ліпніцкая.
– Вы ўсе зрабілі важкі ўклад у развіццё Фонда сацыяльнай абароны насельніцтва, і мы жадаем вам здароўя, удачы на многія гады. Прыходзьце да нас часцей, я спадзяюся, разам мы сустрэнем і 40-, і 50-гадовы юбілеі, – пажадала ветэранам службы Марыя Вікенцьеўна.
З вялікім задавальненнем цяперашнія і былыя супрацоўнікі разам перагледзелі архіўныя фотаздымкі, падзяліліся цёплымі ўспамінамі аб мінулым, расказалі, як жывуць і працуюць сёння.
Ірына СТЫРНІК
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
