Традыцыйна ў Рэспубліканскай добраахвотнай акцыі «Тыдзень лесу» актыўны ўдзел прымаюць валанцёры з ліку навучэнцаў старэйшых класаў, педагагічны калектыў і работнікі Вензавецкага дзіцячага сада-сярэдняй школы.
На працягу тыдня яе ўдзельнікі дапамагалі наводзіць парадак у лесе, прыбіралі і чысцілі прыдарожныя палосы, а педагагічны калектыў і работнікі ўстановы, атрымаўшы пасадачны матэрыял, прылады працы і дакладныя інструкцыі ад работнікаў Вензавецкага і Рудаяварскага лясніцтваў, высаджывалі сеянцы маладых сасонак, елачак і бярозак.
Удзельнікі акцыі ўпэўненыя, што праз гады змогуць прыходзіць на месцы, дзе яны працавалі, і любавацца тым, як расце лес, пасаджаны іх рукамі.
Можна з упэўненасцю сказаць, што самым важным вынікам гэтай маштабнай акцыі стала неабыякавасць падрастаючага пакалення да лёсу беларускага лесу, а гэта значыць, што лес будзе радаваць сваім багаццем будучыя пакаленні.
Аксана РОЎБА
Подписывайтесь на телеграм-канал «Гродно Медиа Group» по короткой ссылке @GrodnoMediaGroup
