Пытанне: ці прадугледжана адказнасць за знаходку чужой маёмасці?
Адказвае ўчастковы інспектар міліцыі Віталь Грышук:
– За прысваенне знойдзенай маёмасці прадугледжана адміністрацыйная адказнасць па артыкуле 11.4 КоАП Рэспублікі Беларусь – штраф да пяці базавых велічыняў. У дадзеным выпадку гэта рэчы, па якіх можна ідэнтыфікаваць іх уладальнікаў (напрыклад, мабільны тэлефон). Калі ж чалавек, які знайшоў рэч, імкнецца высветліць, каму яна належыць, і здае знаходку ў аддзел унутраных спраў, ён вызваляецца ад адказнасці.
Практыка апошніх гадоў паказвае, што нават праваахоўнікам не заўсёды ўдаецца знайсці гаспадара згубленай маёмасці. У такім выпадку органы ўнутраных спраў праз шэсць месяцаў правядзення пошукавых мерапрыемстваў вяртаюць рэчы чалавеку, які іх знайшоў, і ён на законных падставах будзе імі карыстацца.
Святлана ГРЫШЫНА
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
