У натоўпе – без панікі

Калі ў час пажару вы апынуліся ў натоўпе, прытрымлівайцеся наступнага алгарытму дзеянняў:

— захоўвайце спакой і заклікайце да гэтага людзей побач;
— неадкладна паведаміце аб пажары па нумары 101 або 112;
— паспрабуйце ў самы кароткі час пакінуць будынак;
— пры задымленні дыхайце праз рукаў адзення або насоўку, не адпускайце дзяцей, вядзіце іх перад сабой;
— у шматпавярховым будынку не карыстайцеся ліфтамі, спускайцеся толькі лесвіцамі;
— асцерагайцеся натоўпу, які рвецца да выхаду, шукайце запасныя і аварыйныя выхады;
— рухаючыся ў натоўпе, прапускайце наперад жанчын, дзяцей і састарэлых людзей;
— калі вас штурхае натоўп, прыцісніце рукі да бакоў, сагнуўшы іх у локцях і сціснуўшы кулакі. Нахіліце корпус назад і, упіраючыся нагамі, паспрабуйце стрымліваць напор натоўпу спінай, павольна прасоўваючыся наперад;
— рухайцеся ў адным кірунку з натоўпам, паступова змяшчайцеся да краю людскога патоку, наступайце на поўную ступню;
— зніміце шалік, навушнікі, упрыгажэнні, сумку прыцісніце да сябе спераду;
— злучыце на грудзях рукі і развядзіце локці трохі ў бакі;
— пазбягайце ў натоўпе грузных людзей, вялікіх сумак, слупоў, прадметаў, якія выступаюць;
— калі ўпалі ў спакойным натоўпе – хутка ўстаньце, у бягучым –згарніцеся ў клубок, закрыйце патыліцу рукамі, спрабуйце ўстаць рыўком, не абапіраючыся на рукі, толькі на калена.

Вадзім ШЧУРСКІ,
начальнік АУС Дзятлаўскага райвыканкама

Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga