Не ў перыяд пасяўной ці ўборачнай кампаній, калі адзначаецца максімальны рух трактароў і механізмаў, а менавіта восенню, у перыяд ранішніх і вячэрніх змярканняў, адзінкавая самаходная і трактарная тэхніка правакуе найбольшую колькасць здарэнняў і звязаных з імі ахвяраў. Па якой прычыне? З-за нездавальняючага стану прыбораў асвятлення сельскагаспадарчай тэхнікі.
Як прыклад, дарожна-транспартнае здарэнне, якое адбылося на тэрыторыі Слонімскага раёна. У пачатку кастрычніка бягучага года грамадзянін А., кіруючы трактарам з прычэпам, у цёмны час сутак ажыццявіў вымушаны прыпынак на праезнай частцы дарогі, пры гэтым не выставіў знак аварыйнага прыпынку. Пры выключэнні рухавіка трактара на самім трактары і прычэпе патухлі знешнія светлавыя прыборы. У гэты момант аўтамабіль, які рухаўся ззаду, учыніў наезд на прычэп трактара. Людзі не пацярпелі ў гэтай аварыі, толькі тэхніка была пашкоджана, але да трагедыі з чалавечымі ахвярамі было не так і далёка. У дачыненні да грамадзяніна А. было складзена некалькі пратаколаў аб адміністрацыйным правапарушэнні.
Міжраённым аддзелам ДАІ па абслугоўванні Слонімскага, Дзятлаўскага і Зэльвенскага раёнаў пастаянна ажыццяўляецца кантроль за эксплуатацыяй самаходнай і трактарнай тэхнікі. Праверкі паказалі, што нездавальняючы стан прыбораў асвятлення трактароў і прычэпаў да іх, кормараздатчыкаў, іншых агрэгатаў і механізмаў характэрны для ўсіх раёнаў вобласці. Сёлета за нездавальняючы стан сельскагаспадарчай тэхнікі і адсутнасць допуску да ўдзелу ў дарожным руху да адказнасці прыцягнуты шэраг службовых асобаў. Але ж мэта не пакараць, а менавіта не дапусціць на дарогі транспарт з няспраўнымі знешнімі светлавымі прыборамі.
Калі пры руху па вуліцах і дарогах у цёмны час сутак або ва ўмовах недастатковай бачнасці вы сталі відавочцам кіравання транспартам з няспраўнымі светлавымі прыборамі, неадкладна паведаміце аб гэтым у міліцыю па нумары 102. Своечасовае выяўленне і паведамленне аб дадзеных фактах можа выратаваць чыё-небудзь жыццё.
А. КАЛІНІН,
старшы дзяржаўтаінспектар міжраённага аддзела ДАІ
Стоит почитать:
Суд Ленинского района Гродно рассмотрел уголовное дело о коррупционном преступлении в отношении заместителя директора филиала…
Сегодня председатель облисполкома Юрий Караев и помощник Президента – инспектор по Гродненской области Константин Бурак…
У палатачным летніку “Экатурыст” Круцілавіцкай базавай школы прайшла піянерская эстафета для адпачывальнікаў 11-13 гадоў. Дзве…
Национальное агентство по туризму объявляет Национальный конкурс «Вобраз Беларусі. Позірк і адкрыццё» по созданию концепции…
У раённым выканаўчым камітэце пад кіраўніцтвам намесніка старшыні райвыканкама Вадзіма Бяляткі з удзелам начальніка аддзела…
На заседании облисполкома под руководством главы региона Юрия Караева обсудили «горячую» тему уборочной кампании, которая…