Тэледэбаты кандыдатаў у прэзідэнты пройдуць 3 кастрычніка, заявіла сёння журналістам старшыня Цэнтрвыбаркама Лідзія Ярмошына па выніках пасяджэння ЦВК, на якім разглядаліся пытанні падрыхтоўкі і правядзення маючых адбыцца выбараў, перадае карэспандэнт БЕЛТА.
«Літаральна напярэдадні датэрміновага галасавання, і гэта таксама ў пэўным плане з’яўляецца навелай цяперашняй выбарчай кампаніі, 3 кастрычніка ў 17.00 у прамым эфіры будуць праходзіць тэледэбаты», — расказала Лідзія Ярмошына.
Паводле яе слоў, для ўдзелу ў тэледэбатах кандыдат на пасаду кіраўніка дзяржавы зможа накіраваць сваю давераную асобу, калі не жадае выступаць асабіста, або наогул адмовіцца ад удзелу. У тым выпадку, калі кандыдатаў будзе больш за пяць, час на тэледэбаты будзе прадстаўлены ў памеры 1,5 гадзіны (90 мінут) — з 17.00 да 18.30. Калі ўдзельнікаў дэбатаў будзе менш, то час складзе 60 мінут. «Парадак правядзення тэледэбатаў і вядучыя будуць вызначацца Белтэлерадыёкампаніяй», — удакладніла старшыня ЦВК.
