Сустрэчы ў калектывах. Галоўнае, каб  была стабільнасць і ўпэўненасць у заўтрашнім дні

Напярэдадні выбараў Прэзідэнта Рэспублікі Беларусь з працоўным калектывам Дзятлаўскага лікёра-гарэлачнага завода “Алгонь” сустрэліся старшыня раённага Савета дэпутатаў Аляксандр Бараноўскі, першы сакратар райкама ГА “БРСМ” Кацярына Хілімончык. На сустрэчы таксама прысутнічала старшыня Казлоўшчынскага сельвыканкама Ала Гародка, кіраўніцтва прадпрыемства.

У рамках электаральнай кампаніі Кацярына Хілімончык падрабязна спынілася на сістэме і нюансах выбараў-2025. Нагадала пра асаблівасці датэрміновага галасавання, якое ўжо ўступіла ў актыўную фазу. Параіла, каб даведацца пра свой выбарчы ўчастак, можна зайсці на сайт Дзятлаўскага раённага выканаўчага камітэта і перайсці па спасылцы “Выбары”. Расказала, якія  дакументы, што пацвярджаюць асобу, патрэбна мець пры сабе, каб атрымаць бюлетэнь для галасавання, што рабіць тым, у каго яны па нейкай прычыне адсутнічаюць, нагадала правілы паводзінаў на выбарчым участку, як можна замяніць сапсаваны бюлетэнь,  прагаласаваць на даму, калі ўзнікне такая патрэба.

Аляксандр Бараноўскі расказаў прысутным пра набыткі і дасягненні Дзятлаўшчыны за апошняе пяцігоддзе, прадыктаваныя галоўным матывам – дабрабыт малой радзімы і стварэнне камфортных умоваў для жыцця людзей. Адзначыў пры гэтым, што раён развіваецца дынамічна, на добрым узроўні спрацавалі як прамысловыя, так і сельгаспрадпрыемствы.

Аб дасягненнях сваёй арганізацыі, якая сёння працуе стабільна, расказаў генеральны дырэктар Дзятлаўскага лікёра-гарэлачнага завода “Алгонь” Аляксандр Яцук:

– З гонарам хачу адзначыць, што толькі ў бюджэт дзяржавы штомесячна мы адлічваем каля 5 мільёнаў рублёў падаткаў. Гэта наша праца, заслуга і ўклад калектыву ў скарбонку краіны. Разам мы і надалей будзем дасягаць новых мэтаў, выконваць пастаўленыя задачы.

Ён заклікаў прыйсці на выбарчы ўчастак і аддаць свой голас за будучыню краіны.

Нагадала прысутным пра іх грамадзянскі абавязак і Ала Гародка, пажадала поспехаў у працы і дастатку ў сем’ях.

З калектывам санаторыя “Радон” сустрэлася намеснік старшыні райвыканкама Вольга Жэлезоўская.

Таццяна САНЮК

Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga

#Президент #Выборы