У рамках электаральнай кампаніі па выбарах Прэзідэнта Рэспублікі Беларусь першы намеснік старшыні райвыканкама – начальнік упраўлення сельскай гаспадаркі і харчавання Віталій Шулейка і намеснік старшыні райвыканкама Вадзім Бялятка правялі інфармацыйную сустрэчу з работнікамі ААТ “Дварэц-Агра”.
Вадзім Аляксандравіч акцэнтаваў увагу на тым, што кожны грамадзянін мае права і павінен удзельнічаць у палітычным жыцці краіны, мець актыўную грамадзянскую пазіцыю і ўплываць на будучыню:
– Чым больш людзей прагаласуюць, тым менш у несумленных удзельнікаў выбарчага працэсу будзе магчымасцей рабіць спробы парушэння заканадаўства і ўплыву на ход галасавання.
Віталій Шулейка нагадаў прысутным набыткі і дасягненні Дзятлаўшчыны за апошняе пяцігоддзе, прадыктаваныя галоўным матывам – дабрабыт малой радзімы і стварэнне камфортных умоваў для жыцця людзей.
Наталля АВЯРЧУК
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
#Президент #Выборы
