Вы жывяце ў шматкватэрным доме? Вырашылі ўстанавіць антэну ці кандыцыянер на даху, фасадзе будынка. Што і як трэба зрабіць?
Служба “адно акно” Дзятлаўскага раённага выканаўчага камітэта прымае заявы аб ажыццяўленні адміністрацыйнай працэдуры “Выдача ўзгаднення на ўстаноўку, у тым ліку самавольную, на дахах і фасадах шматкватэрных жылых дамоў індывідуальных антэн і іншых канструкцый”, прадугледжанай падпунктам 1.15.1 пункта 1.15 пераліку адміністрацыйных працэдур, якія ажыццяўляюцца дзяржаўнымі органамі і іншымі арганізацыямі па заявах грамадзян, зацверджанага Указам Прэзідэнта Рэспублікі Беларусь ад 26 красавіка 2010 года № 200.
Даведачная інфармацыя
Умовы і парадак устаноўкі на дахах і фасадах шматкватэрных жылых дамоў індывідуальных антэн і іншых канструкцый, у тым ліку абсталяванне, якое прымяняецца для кандыцыянавання паветра, вызначаны Палажэннем, зацверджаным пастановай Савета Міністраў Рэспублікі Беларусь ад 16 мая 2013 года № 384.
Індывідуальныя антэны і іншыя канструкцыі – любыя віды індывідуальнага антэннага абсталявання, у тым ліку якое выкарыстоўваецца для прыёму тэлевізійных праграм наземнага і спадарожнікавага вяшчання, абсталяванне, якое прымяняецца для кандыцыянавання паветра, і іншыя канструкцыі.
Звярніце ўвагу!
Устаноўка на дахах і фасадах шматкватэрных жылых дамоў індывідуальных антэн і іншых канструкцый праводзіцца пасля атрымання ўзгаднення тэрытарыяльнага падраздзялення архітэктуры і горадабудаўніцтва.
Не патрабуецца атрыманне такога ўзгаднення на ўстаноўку канструкцый для сушкі бялізны. Яны могуць усталёўвацца толькі ў межах унутранай прасторы балкона і (або) лоджыі.
Для атрымання ўзгаднення грамадзяніну неабходна звярнуцца ў службу “адно акно” райвыканкама і прадаставіць:
– заяву;
– тэхнічны пашпарт і дакумент, які пацвярджае права ўласнасці на памяшканне, – для ўласніка памяшкання.
Плата за правядзенне адміністрацыйнай працэдуры не спаганяецца. Тэрмін яе ажыццяўлення – 15 дзён з дня падачы заявы. Тэрмін дзеяння рашэння – бестэрмінова.
Звярніце ўвагу!
На падставе атрыманага ўзгаднення ініцыятар заключае дагавор з юрыдычнай асобай або індывідуальным прадпрымальнікам, які ажыццяўляе мантаж індывідуальных антэн, кандыцыянераў і іншых канструкцый.
Устаноўка антэн або кандыцыянераў на фасадах і дахах дамоў без атрымання ўзгаднення лічыцца самавольнай і забараняецца. За гэта прадугледжаны штраф у памеры ад 2 да 15 базавых велічыняў (арт. 22.9 КоАП РБ).
Калі ўсё-такі самавольна ўстанавілі антэну ці кандыцыянер, неабходна атрымаць адпаведнае ўзгадненне. Для гэтага трэба таксама звярнуцца ў службу “адно акно” райвыканкама з тым жа пакетам дакументаў, што і пры атрыманні ўзгаднення на ўстаноўку індывідуальных антэн і іншых канструкцый.
Нагадаем, служба “адно акно” размяшчаецца па адрасе: г. Дзятлава, вул. Чырвонаармейская, 21 (уваход з тарца). Працуе па наступным графіку: панядзелак, аўторак, чацвер, пятніца з 8.00 да 17.00, серада з 8.00 да 20.00 без перапынку на абед. Субота, нядзеля – выхадныя дні. Для зручнасці грамадзян існуе папярэдні запіс па тэлефоне 6-86-41.
Станіслава ГАНЧАР,
галоўны спецыяліст аддзела па юрыдычнай рабоце, зваротах грамадзян і юрыдычных асоб райвыканкама
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
