Школьны мерыдыян

Бяспека важней за ўсё

Вучні Хвінявіцкай сярэдняй школы пабывалі ў пажарнай часці Дзятлаўскага РАНС. Прайшліся па каравульным памяшканні, дзяжурнай дыспетчарскай службе, наведалі гараж, убачылі тэхніку, пасядзелі ў  пажарнай машыне і нават прымерылі сапраўднае абмундзіраванне пажарнага. Ратаўнікі расказалі пра сваю службу, прывялі прыклады з гісторый тушэння пажару і выратавання людзей і жывёл.

Дзеці атрымалі шмат карыснай інфармацыі аб тым, як правільна паводзіць сябе ў надзвычайнай сітуацыі, не дапусціць узгарання, выклікаць пажарную службу.

Памяці дастойныя!

Навучэнцы Дварэцкай сярэдняй школы з удзячнасцю і павагай адносяцца да тых, хто цаной свайго жыцця адстаяў сённяшняе шчаслівае мірнае жыццё. А помніць пра тыя падзеі дапамагаюць не толькі фільмы і літаратуныя творы, але і  помнікі і магілы салдатаў вайны.

У мікрараёне школы знаходзяцца магіла невядомага садата, помнік загінулым землякам, тры брацкія магілы мірных жыхароў, якія загінулі ад рук фашыстаў у гады Вялікай Айчыннай вайны, а таксама магіла воіна-інтэрнацыяналіста Дзмітрыя Лазовіка. Школьнікі даглядаюць іх, берагуць памяць аб сваіх земляках.

Сяброўскія баталіі

Адбылася гульня “Cпартыўны мост” паміж вучнямі  Жукоўшчынскай і  Раклевіцкай базавых школ.

У рамках акцыі “За бяспеку разам” вучні школ разам наведалі грамадскія месцы аграгарадка Раклевічы, уручылі памяткі МНС прахожым для таго, каб нагадаць ім, што жыццё дзяцей у поўнай меры залежыць ад  адказнасці дарослых.

Пра шчасце і сэнс жыцця

У рамках месячніка па прафілактыцы суіцыдальных паводзінаў “Жыві пазітыўна” ў 6 “Б” класе гімназіі № 1 горада Дзятлава прайшла класная гадзіна “Аб шчасці і сэнсе жыцця”. Навучэнцы зрабілі выснову, што падстаў быць вясёлым і шчаслівым у нашым жыцці нашмат больш і ў сілах кожнага зрабіць так, каб свет напоўніўся любоўю, а дорачы шчасце блізкім, кожны здабывае яго больш, бо дабро, зробленае для іншых, вернецца спаўна.

Падары ўсмешку свету

У Круцілавіцкай сярэдняй школе ў рамках месячніка прафілактыкі крызісных станаў непаўналетніх праходзяць мерапрыемствы, накіраваныя на ўмацаванне псіхічнага здароўя, фарміраванне культуры здаровага ладу жыцця, выхаванне пазітыўна арыентаванай асобы. Для навучэнцаў, бацькоў і педагогаў былі падрыхтаваны памяткі і брашуры, прайшоў агульнашкольны бацькоўскі сход па прафілактыцы крызісных станаў у непаўналетніх.

Школьнікі старэйшых класаў удзельнічалі ў практыкуме “Што рабіць у сітуацыі крызісу?”, на якім разважалі аб тым, што такое крызіс, якія прычыны выклікаюць крызісныя станы, як паступаць у такіх сітуацыях,  знаходзіць з іх выхад. Таксама ў школе праведзены інфармацыйныя гадзіны “Школа без булінгу”.

Падрыхтавала Таццяна САНЮК

Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga

#образование