Шарафугу, шчупакоў і… мужа прапаноўвалі на кірмашы ў Дзятлаве

Завяршальны раённы сельскагаспадарчы кірмаш шырока і гучна прайшоў у райцэнтры.

– Кірмаш у Дзятлаве – не абы-што: тут бульба – як боб, а буракі – як кавуны, настрой такі, што самі ногі просяцца ў скокі! Падыходзьце, выбірайце, кашалькі даставайце! – заклікалі на свята гасцей артысты Дзятлаўшчыны.

А купіць і паглядзець і сапраўды было што. Багаты сёлетні ўраджай зерня, садавіны і агародніны прывезлі ўсе сельгаспрадпрыемствы раёна, фермеры і прыватныя прадпрымальнікі. Дзятлаўчане актыўна куплялі як традыцыйныя прадукты – бульбу, капусту, цыбулю, моркву, буракі, арэхі і мёд, так і брокалі, квяцістую капусту, перац салодкі і пякучы, журавіны, свежую рыбу, мясныя вырабы, крафтавыя сыры, саджанцы, кветкі. Цікавіліся прамысловымі таварамі, кухоннымі прыладамі, сувенірамі, цацкамі і пальчаткамі, нават духі можна было набыць.

Намеснік старшыні райвыканкама Вольга Жэлезоўская адзначыла, што ўсе сельскагаспадарчыя кірмашы сёлета праходзілі добра, прадукцыю хутка разбіралі, усяго хапала, а калі людзі прасілі чагосьці прывезці пабольш, гэта адразу ўлічвалі:

– Перад кірмашамі аддзел эканомікі райвыканкама маніторыў і ўзгадняў усе цэны, запрашалі фермерскія гаспадаркі, індывідуальных прадпрымальнікаў. Сёння ў пакупнікоў цікавіліся, ці падабаецца кірмаш, як цэны, і нараканняў не чулі, гавораць, што ўсё добра, танней, чым у магазінах. Вялікім попытам карыстаецца рыба, таму будзем запрашаць тых, хто яе прадае, прыязджаць у базарныя дні часцей. Відаць, што ў людзей сёння добры настрой, усміхаюцца, шмат купляюць.

Яніна і Уладзіслаў Славінскія прыехалі з вёскі Нёўда Навагрудскага раёна:

– Сёння мы прадавалі бульбу, якую, дарэчы, хутка ў нас разабралі, гатункаў “скарб”, “рубін”, “журавінка”, “рагнеда”, таксама яблыкі, грушы. У нас кірмашы ўжо скончыліся, прыехалі да суседзяў са сваёй прадукцыяй. Нам тут вельмі спадабалася, будзем яшчэ да вас наведвацца.

Прывезлі на кірмаш агародніну са свайго прысядзібнага ўчастка Алена Рагозіна з мужам з вёскі Юзафіны Дзятлаўскага раёна:

– Мы з вясны да восені прадаём сваю прадукцыю. Любім вырошчваць агародніну, прыемна, калі добры ўраджай – тады душа радуецца. Вось запрашаем купіць радыску – паласавацца напаследак, бо, пэўна, да вясны яе ўжо не знойдзеш.

Самы вялікі выбар саджанцаў быў у прыватным пладова-ягадным пітомніку “Пруды” з Баранавіцкага раёна. Добра бралі парэчкі і яблыні, цікавіліся і набывалі некаторыя дзятлаўчане экзатычную шарафугу – гібрыд слівы, абрыкоса і персіка, а таксама міндаль.

Вяртаецца дадому не з пустымі рукамі дзятлаўчанка Алена Варабей:

– Прыйшла па моркву, цыбулю і крухмал. Купіла свежых прадуктаў на ўвесь год, каб быў добры запас. Сёння цудоўны кірмаш, столькі ўсяго, што проста вочы разбягаюцца, думаю, кожны знайшоў усё, што хацеў. І весела, музыка гучыць, песні такія харошыя нашы артысты спяваюць, нават надвор’е парадавала.

Доўгі ланцужок з пакупнікоў назіраўся ля машыны фермерскай гаспадаркі “Рыбнае” з вёскі Явар. 150 кілаграмаў шчупака, карпа і таўсталобіка – усё па восем рублёў за кілаграм – прадалі літаральна за гадзіну.

Прадстаўнікі сельскагаспадарчых прадпрыемстваў адзначаюць, што найбольшым попытам карыстаюцца кукуруза і пшаніца, добра бяруць і льносемя, гарох, авёс – як па кілаграму, так і  цэлымі мяхамі. КСУП “Жукоўшчына” забяспечвае дзятлаўчан запасамі бульбянога крухмалу, на першым кірмашы прадалі 200 кілаграмаў, гэтым разам прывезлі 300 і ўпэўнены, што ўвесь раскупяць.

Для ахвотнікаў выпрабаваць удачу ладзілася жартоўная бяспройгрышная латарэя “Дзятлаўскі шчодры кошык”. Як рэкламавалі вясёлыя суседачкі Галіна Сушко і Наталля Нагорная, “прызы ў нас – самыя што ні на ёсць сельскагаспадарчыя, карысныя і далікатэсныя”, таму білецікі разабралі імгненна. І кожны іх уладальнік пайшоў з кірмашу не з пустымі рукамі.

Галоўны прыз – гаспадарчую сумку на колах – выйграў работнік КСУП “Жукоўшчына” Сяргей, які адзначыў, што вельмі рады такому падарунку, будзе ім з задавальненнем карыстацца і ўспамінаць кірмаш.

Добры настрой дзятлаўчанам стваралі артысты і творчыя калектывы Дзятлаўшчыны – народны ансамбль песні “Заранка”, тэатр-студыя гульні “Суседзі”, група “Бархат”, Ганна Харлінская, сямейныя дуэты Добышаў і Баклушыных. Яны не толькі выконвалі ўсімі любімыя песні, але і жартавалі ад душы – арганізавалі нават продаж эксклюзіўнага тавару – “муж надзейны, механізаваны”.

Святлана ГРЫШЫНА

Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga  

#нашелучшее #нашалепшае

administrator

Recent Posts

Холода не прощают беспечности

С наступлением поздней осени на первый план выходит риск возникновения пожаров и чрезвычайных ситуаций в…

8 часов ago

Ведае ўчастковы. Дайце, калі ласка, чэк

Пытанне: купляў на рынку куртку і папрасіў выдаць чэк. Прадавец сказаў, што не можа гэта…

8 часов ago

Праект “Жамчужыны зямлі Дзятлаўскай”. Таісія Сакалоўская: “Не магу сядзець без справы”

Творчы калектыў сектара нестацыянарнага абслугоўвання насельніцтва наведаў 80-гадовую юбілярку з аграгарадка Войневічы Таісію Сакалоўскую, каб…

9 часов ago

“Храму ведаў” гарпасёлка Наваельня 60 гадоў

Поўная зала сяброў, шчырыя пажаданні, цёплыя апладысменты, кранальныя ўспаміны, мілагучныя песні, памятныя падарункі – так…

21 час ago

В Дятловском районе завершилось специальное профилактическое мероприятие «Дом без пожара»

На территории Дятловского района завершилось специальное профилактическое мероприятие «Дом без пожара», направленное на предупреждение пожаров…

22 часа ago

Тры дзесяцігоддзі, прысвечаныя людзям

У Новаяльнянскім сельскім выканаўчым камітэце на заслужаны адпачынак урачыста праводзілі кіраўніка спраў Ірыну Каспяровіч. Ірына…

23 часа ago