У лясным фондзе Дзятлаўскага лясгаса адбыліся два пажары.
Агульная плошча іх склала прыкладна 1 гектар.
З высокай доляй верагоднасці прычынай абодвух узгаранняў паслужыла непатушаная цыгарэта, пакінутая на месцы збору лісічак. Штогод адбываюцца лясныя пажары, калі аматары грыбоў і ягад, не задумваючыся, кідаюць у лесе непатушаныя запалкі ці цыгарэты. Не заўсёды такія ўзгаранні можна патушыць хутка і без вялікіх страт.
У сувязі з гэтым Дзятлаўскі лясгас просіць:
– пры наведванні лясоў не пакідайце непатушаныя запалкі і цыгарэты;
– выконвайце забароны і абмежаванні на наведванне лясоў, якія ўводзяцца толькі пры высокіх класах пажарнай небяспекі;
– у выпадку, калі вы ўбачылі пажар у лесе, неадкладна паведаміце па тэлефоне 61-0-70.
Юрый МАМЕДАЎ,
інжынер па ахове і абароне лесу
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
