Прайшло 77 гадоў з пачатку Вялікай Айчыннай вайны, але з года ў год вайна нагадвае пра сябе ржавымі, смяротнымі знаходкамі, якія ляжаць у нашай зямлі.
Сумны прыклад. Трагічны выпадак адбыўся ў ліпені 2016 года на тэрыторыі 227-га Барысаўскага агульнавайсковага палігона. У жыхара г. Барысава які вяртаўся дадому праз палігон пасля збору грыбоў, зламаўся веласіпед. Спрабуючы адрамантаваць яго, ён выкарыстаў у якасці малатка знойдзены металічны прадмет. Адбыўся выбух, у выніку якога мужчына загінуў.
Будзьце асабліва асцярожныя, калі раптам знойдзеце старую ржавую міну, гранату або снарад ці іншыя боепрыпасы. Не дакранайцеся да іх, не спрабуйце вымаць з зямлі, перавозіць і тым больш кідаць, біць або разбіраць, закопваць у зямлю і кідаць у вадаёмы, уздзейнічаць агнём, збіраць і здаваць у якасці металалому.
Нават легкі дотык можа прывесці механізм выбухоўніка, які праляжаў доўгі час у зямлі, у дзеянне, і адбудзецца непапраўнае.
Першае, што неабходна зрабіць, калі вы знайшлі падобны прадмет, – гэта спыніць любыя працы на гэтым участку (побач могуць знаходзіцца іншыя выбухованебяспечныя прадметы), пазначыць месца знаходкі (галінкамі, сцяжкамі).
Пасля трэба неадкладна паведаміць у любую з сілавых структур (ваенны камісарыят раёна (тэлефон дзяжурнага) 2-16-61, РАУС – 102, РАНС – 101).
На ваша паведамленне неадкладна прыедуць прадстаўнікі дадзеных сілавых структур для ідэнтыфікацыі знаходкі. Усе далейшыя дзеянні па абследаванні тэрыторыі, размініраванні, абясшкоджванні і знішчэнні выбухованебяспечных прадметаў будуць праводзіць падрыхтаваныя спецыялісты-сапёры.
Паважаныя грамадзяне! Нагадваем вам, што ў катэгорыю забароненых зон і месцаў, якія ўяўляюць павышаную небяспеку для здароўя і жыцця людзей, уваходзяць і вайсковыя агульнавайсковыя палігоны (стрэльбішчы).
Тэрыторыя палігонаў пазначаецца папераджальнымі знакамі “Стой, страляюць!”, “Праход і праезд забаронены!”. Пранікненне і незаконнае знаходжанне на тэрыторыі палігона з’яўляецца адміністрацыйным правапарушэннем, за якое прадугледжаны штраф у памеры ад 10 да 30 базавых велічынь або адміністрацыйны арышт.
На агульнавайсковых палігонах праводзяцца планавыя мерапрыемствы баявой падрыхтоўкі воінскіх часцей і падраздзяленняў Узброеных Сіл, якія ўключаюць у сябе стрэльбы з усіх відаў зброі, кіданне баявых гранат, падрыў інжынерных боепрыпасаў, выкарыстанне іншага ўзбраення і ваеннай баявой тэхнікі.
На жаль, самыя розныя боепрыпасы, якія выкарыстоўваюцца ў час баявой падрыхтоўкі, па цэлым шэрагу прычын не заўсёды выбухаюць і застаюцца на палігонах неразарваныя. Яны прадстаўляюць смяротную небяспеку.
У сувязі з гэтым жыццёва неабходна выключыць несанкцыянаванае наведванне палігона грамадзянскім насельніцтвам, асабліва дзецьмі: праезд і праход праз яго тэрыторыю, у тым ліку пешыя прагулкі, збор грыбоў і ягад, выпас жывёлы і пакос травы, нарыхтоўку дроваў і галля і іншыя выпадкі знаходжання на вайсковым аб’екце.
Паважаныя грамадзяне!
Будзьце разважлівыя і асцярожныя пры знаходжанні выбухованебяспечных прадметаў. Толькі законныя і правільныя дзеянні дапамогуць прадухіліць няшчасны выпадак і непапраўную бяду. Дадзеную інфармацыю просім давесці да вашых дзяцей.
Генадзь СУРАВЕЦ,
ваенны камісар Дзятлаўскага раёна
Читайте также:
У рэдакцыю газеты “Перамога” звярнулася жыхарка райцэнтра з пытаннем, якое даўно яе непакоіла: – Праз…
30 чэрвеня ў Беларусі адзначаецца Дзень эканаміста. Ад імя кіраўніцтва раёна работнікаў гэтай важнай прафесіі…
У час правядзення ўборачнай кампаніі ў Дзятлаўскім раёне інспектары МА ДАІ Слонімскага РАУС наведаюць аграпрамысловыя…
Ужо зусім хутка на Дзятлаўшчыне пачнецца ўборачная кампанія. Напярэдадні камісія на чале з першым намеснікам…
З 2024 года Дзятлаўская раённая бібліятэка прымае ўдзел у праекце бібліятэчнага тэатра кніжных прадстаўленняў “Магія…
Кніга – верны і незаменны спадарожнік дзяцінства. Менавіта яна з першых гадоў жыцця вучыць маленькага…