Замежныя грамадзяне, якія прыязджаюць у Беларусь на кароткі час і не маюць намеру пражываць тут доўга, адносяцца да катэгорыі іншаземцаў, якія часова знаходзяцца на тэрыторыі рэспублікі.
Асноўная мэта падобных паездак, як правіла, турызм, візіты да сваякоў, дзелавыя сустрэчы.
Заканадаўствам Рэспублікі Беларусь устаноўлена патрабаванне для такой катэгорыі грамадзян зарэгістравацца ў органе рэгістрацыі па месцы фактычнага знаходжання на працягу 10 сутак, калі іншае не прадугледжана заканадаўчымі актамі і міжнароднымі дагаворамі. У электроннай форме рэгістрацыя ажыццяўляецца бясплатна на адзіным партале электронных паслуг portal.gov.by. Працэдура даступная іншаземцам у пунктах пропуску праз Дзяржаўную граніцу Рэспублікі Беларусь. Хто прыбыў праз граніцу з Расійскай Федэрацыі, для рэгістрацыі павінны звяртацца асабіста ў падраздзяленне па грамадзянстве і міграцыі органа ўнутраных спраў па месцы свайго знаходжання ў Беларусі, як і ў выпадку, калі жадаюць падоўжыць рэгістрацыю, аформленую ў электроннай форме.
Рэспублікай Беларусь падпісаны рад пагадненняў: з Арменіяй Літвой, Эстоніяй, Казахстанам, Украінай, ААЭ – да 30 дзён знаходжання грамадзян без рэгістрацыі; з Расіяй – да 90 дзён. Калі іншаземец збіраецца перавысіць гэты тэрмін, неабходна атрымаць дазвол на часовае або пастаяннае пражыванне ў залежнасці ад мэты ўезду.
Іншаземцы, якія часова знаходзяцца ў Рэспубліцы Беларусь, абавязаны пражываць толькі там, дзе яны зарэгістраваны ў органах рэгістрацыі, а пры змене адраса – на працягу 3 працоўных дзён з дня прыбыцця на новае месца зарэгістравацца там у органе рэгістрацыі. Для рэгістрацыі неабходна прыбыць асабіста, акрамя дзяцей да 14 гадоў. У выпадку парушэнняў правілаў знаходжання ў Рэспубліцы Беларусь прадугледжана адміністрацыйная адказнасць.
Для афармлення рэгістрацыі замежных грамадзян у нашым раёне неабходна звяртацца ў групу па грамадзянстве і міграцыі АУС Дзятлаўскага райвыканкама ў любы з прыёмных дзён: аўторак, пятніца – з 8 да 17 гадзін (перапынак з 13 да 14 гадзін), серада – з 11 да 20 гадзін (перапынак з 15 да 16 гадзін), чацвер, субота – з 8 да 13 гадзін.
Дзяніс АЎРАМЕНКАЎ,
першы намеснік начальніка АУС Дзятлаўскага райвыканкама
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
У Год беларускай жанчыны на старонках газеты “Перамога” расказваем пра нашых зямлячак, якія змагаліся на…
У раённым Цэнтры культуры і народнай творчасці прайшоў святочны канцэрт-шанаванне, прысвечаны надыходзячаму Дню медыцынскіх работнікаў.…
За невыкананне работ па падтрыманні належнага санітарнага стану на тэрыторыях зямель агульнага карыстання населеных пунктаў,…
Гэта высвятлялі выхаванцы летніка “Крута” гімназіі № 1 горада Дзятлава, наведаўшыся ў рэдакцыю раённай газеты…
Чым жыве летнік Выхаванцы летніка “Усмешка” сярэдняй школы № 1 горада Дзятлава імя А. М.…
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga