У Працоўны кодэкс Рэспублікі Беларусь з 1 студзеня 2024 года Законам Рэспублікі Беларусь ад 29 чэрвеня 2023 года № 273-З “Аб змяненні законаў па пытаннях працоўных адносінаў” уносяцца важныя змяненні.
Усяго ўдасканалена або дапоўнена больш за 80 артыкулаў, з’явіліся 4 новыя.
На важных нюансах, якія тычацца аплаты працы і рабочага часу, спынілася намеснік начальніка ўпраўлення – начальнік аддзела па працы і занятасці ўпраўлення па працы, занятасці і сацыяльнай абароне райвыканкама Таццяна Дорда:
– Працоўны кодэкс у новай рэдакцыі прадугледжвае выплату заработнай платы не радзей чым 2 разы на месяц усім работнікам, у тым ліку з якімі заключаны кантракты.
Сярэдні заробак за час працоўнага водпуску будзе выплачвацца не пазней чым за 2 дні да яго пачатку, калі работнік ідзе ў водпуск па графіку адпускоў. У іншых выпадках сярэдні заробак за час працоўнага водпуску будзе выплачвацца са згоды работніка не пазней чым праз 2 рабочыя дні з дня пачатку водпуску.
Гарантыі па захаванні ранейшага сярэдняга заробку на працягу не менш чым двух тыдняў з дня пераводу не будуць прадастаўляцца пры часовым пераводзе ў выпадках: пісьмовай згоды работніка на тэрмін да 6 месяцаў на працягу каляндарнага года, вытворчай неабходнасці, прастою.
З новага года таксама пашыраецца пералік выпадкаў, калі наймальнік мае права ажыццяўляць утрыманне з заработнай платы па сваім распараджэнні. Рабіць гэта можна будзе для вяртання (поўнасцю ці часткова) сродкаў, затрачаных наймальнікам на арганізацыю харчавання, якім работнік скарыстаўся.
Шматдзетным бацькам і бацькам, якія гадуюць дзіця-інваліда, па іх пісьмовай заяве замест дадатковага свабоднага ад работы дня на тыдні можа быць устаноўлена скарочаная на адну гадзіну працягласць работы з захаваннем заработнай платы, калі гэта не перашкаджае нармальнай дзейнасці арганізацыі.
З 1 студзеня 2024 года для работнікаў з няпоўным рабочым часам працягласць работы ў рабочы дзень, які непасрэдна папярэднічае дзяржаўнаму святу ці святочнаму дню, будзе скарачацца прапарцыянальна працягласці няпоўнага рабочага часу. Калі штодзённая працягласць работы для яго складае, напрыклад, 4 гадзіны, то ў перадсвяточны дзень яго рабочы час скараціцца на 30 хвілін, а не на адну гадзіну, як гэта вызначана для работнікаў з поўным рабочым днём (8 гадзін).
У новай рэдакцыі Працоўнага кодэкса выключаецца норма, згодна з якой работнікі з гнуткім рэжымам рабочага часу могуць працаваць не больш за 10 гадзін на працягу рабочага дня.
З 1 студзеня 2024 года перапынак для адпачынку і харчавання па жаданні работніка можа не прадастаўляцца, калі яго штодзённая работа (змена) не перавышае 4 гадзіны.
Такім чынам, наймальнікам да ўступлення ў сілу Працоўнага кодэкса ў новай рэдакцыі неабходна ўнесці змяненні ў кантракты ў выпадку перыядычнасці выплаты заработнай платы адзін раз на месяц, а таксама ў калектыўныя дагаворы, палажэнні аб аплаце працы, іншыя лакальныя прававыя акты, калі яны закранаюць скарэктаваныя артыкулы Працоўнага кодэкса.
Ірына СТЫРНІК
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
Работа інтэрактыўных пляцовак дзясятага фестывалю сямейнага адпачынку “Зецельскі фэст” завяршылася цырымоніяй узнагароджання. Па рашэнні кіраўніцтва…
Пасля ўрачыстага адкрыцця фестывалю сямейнага адпачынку “Зецельскі фэст” старшыня райвыканкама Андрэй Садоўскі запрасіў гасцей раёна…
Шматлюдна, весела, актыўна на пляцоўцы “Турыстычная”. Як заўсёды, там сабраліся любіцелі паходаў, начовак у палатцы,…
Дзясяты адкрыты фестываль сямейнага адпачынку “Зецельскі фэст” запрасіў сёння на спартыўную пляцоўку тых, хто сябруе…
На “Зецельскім фэсце” працавалі адразу некалькі інтэрактыўных пляцовак на любы густ. Сапраўднай сенсацыяй фестывалю стаў…
30 мая ў рамках дзясятага фестывалю сямейнага адпачынку “Зецельскі фэст” горад Дзятлава ператварыўся ў сапраўдную…