10 сакавіка 1948 года ў горадзе Навагрудку ў сям’і настаўнікаў Васіля і Ганны Івашкіных нарадзілася дзяўчынка Рыма, якая расла, вучылася ў школе, а закончыўшы яе выбрала прафесію сваіх бацькоў. У 1968 годзе паступіла ў Гродзенскі дзяржаўны педагагічны інстытут імя Янкі Купалы на факультэт пачатковых класаў.
Так як вайна бацьку падарвала здароўе і ён хварэў, Рыме Васільеўне як старэйшай сярод сясцёр прыйшлося рана пачаць працоўную дзейнасць і вучыцца на завочным аддзяленні. З 1966 па 1971 год яна працавала старшай піянерважатай, настаўніцай рускай мовы і літаратуры на Навагрудчыне.
У 1973 годзе Рыма Нячай пераехала з мужам у Дзятлаўскі раён. Спачатку працавала старшай піянерважатай, настаўніцай рускай мовы і літаратуры, намеснікам дырэктара па вучэбна-выхаваўчай рабоце ў Нагародавіцкай васьмігадовай школе, затым выхавальнікам групы падоўжанага дня, настаўніцай пачатковых класаў у Раготнаўскай школе, сем гадоў адпрацавала ў Яварскай СШ, а з 1986 па 2004 год – у Вензавецкай сярэдняй школе. Такі складваўся лёс, бо мужа пераводзілі з аднаго месца работы на другое.
Настаўніцы пачатковых класаў у свой час была прысвоена вышэйшая кваліфікацыйная катэгорыя. За дасягнутыя поспехі ў рабоце яна ўзнагароджана граматамі і дыпломамі раённага і абласнога значэння.
Рыма Васільеўна разам з мужам Аляксандрам Піліпавічам выгадавалі дваіх дзяцей – сына Андрэя і дачку Ганну, якія прадоўжылі працоўную дынастыю педагогаў. Андрэй працуе ў Гродзенскай абласной спартыўнай школе трэнерам па боксе, Ганна — дацэнт кафедры музычнага мастацтва Беларускага дзяржаўнага ўніверсітэта культуры і мастацтваў. Бабуля з дзядулем дапамагаюць выхоўваць траіх унукаў — Аляксея, Алену і Арцёма.
Калі ідзеш з Рымай Нячай па вуліцах горада Дзятлава, то складваецца такое ўражанне, што яе ведаюць усе. З ёю вітаюцца, цікавяцца аб здароўі.
Паважаную Рыму Васільеўну, віншуем з юбілеем. Няхай жыццё праходзiць без клопатаў, нiколi не ведайце смутку і гора. Жадаем, каб побач былi верныя сябры, родныя людзi.
Калектыў Вензавецкага дзіцячага сада-сярэдняй школы
Стоит почитать:
Працаваць – значыць працаваць добрасумленна
Пачатак верасня – час адкрыццяў, новых ведаў і шчырых усмешак. Менавіта ў гэтыя восеньскія дні…
У лёсе гэтай пажылой жанчыны, як у люстэрку, адбіліся ўсе нягоды XX стагоддзя: Вялікая Айчынная…
Пытанне: мой знаёмы хоча стаць дружыннікам? Куды для гэтага трэба звяртацца? Адказвае ўчастковы інспектар міліцыі…
Напярэдадні Дня работнікаў нафтавай, газавай і паліўнай прамысловасці калектыў Дзятлаўскага філіяла КУП “Гроднааблпаліва” прымаў віншаванні…
На какой урожай зерна кукурузы, сахарной свеклы, картофеля и яблок рассчитывают белорусские аграрии, рассказал журналистам…
Хутка на Дзятлаўшчыне пачнецца кампанія па імунізацыі насельніцтва супраць віруса грыпу. Як да яе рыхтуюцца…