Прапануюць заробак у інтэрнэце – устрымайцеся

Махлярства ў інтэрнэце з прапановай заробку – распаўсюджаная схема падману.

Зламыснікі выкарыстоўваюць яе, каб “падлавіць” даверлівых людзей. Ёсць некалькі тыповых “сцэнарыяў” падобных махлярстваў. Па-першае, гэта “пірамідальныя” схемы, калі падманшчыкі прапаноўваюць інвеставаць грошы і абяцаюць высокія даходы. Пірамідальныя схемы часта з’яўляюцца незаконнымі і рызыкоўнымі – большасць іх удзельнікаў страчваюць укладзеныя сродкі.

Па-другое, фэйкавыя вакансіі, калі прапаноўваюць работу, якая здаецца лёгкай і прыбытковай, але на самой справе не існуе. Такія наймальнікі могуць запатрабаваць папярэднюю аплату за навучанне ці стартавы пакет, а пасля пераводу грошай перастануць выходзіць на сувязь.

Па-трэцяе, аферысты могуць уцягваць найбольш азартных людзей у анлайн-гульні і казіно, дзе абяцаныя выйгрышы здаюцца занадта вялікімі, каб быць рэальнымі. Пасля таго, як вы ўкладзяце грошы, можа аказацца так, што вывесці атрыманыя выйгрышы ўжо не зможаце.

Прапанаваць могуць і ўдзел у інвестпраекце з высокімі даходамі або ўкласці грошы ў крыптавалюту. Пасля атрымання вашых сродкаў такія “партнёры” адразу ж знікаюць.

Каб не трапіць на падобныя падманы ў інтэрнэце, неабходна прытрымлівацца асноўных правілаў бяспекі:

– ніколі не ўкладваць сродкі ў падазроныя схемы і праекты з вельмі важкімі грашовымі абяцаннямі;

– правяраць рэпутацыю кампаніі ці праекта;

– быць асцярожнымі з незнаёмцамі, якія прапаноўваюць вам заробак у інтэрнэце;

– калі штосьці здаецца падазроным, перш чым ажыццяўляць плацяжы, трэба старанна правяраць інфармацыю і кансультавацца са спецыялістамі.

Ірына ЯНОВІЧ,
старшы следчы Дзятлаўскага раённага аддзела Следчага камітэта

Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga