Супрацоўнікі Дзятлаўскага РАНС працягваюць прафілактычныя мерапрыемствы па папярэджанні пажараў у дамах і недапушчэнні гібелі людзей на іх.
Ратаўнікі сумесна з прадстаўнікамі СМІ ў час рэйду правялі абследаванне домаўладанняў сацыяльна неабароненых катэгорый грамадзян на тэрыторыі Вензавецкага сельскага савета.
З жыхарамі праводзіліся прафілактычныя гутаркі па веданні і выкананні асноўных патрабаванняў правілаў пажарнай бяспекі. Ратаўнікі звярталі ўвагу на пячное ацяпленне, у выпадках выяўлення недахопаў рэкамендавалі домаўладальнікам іх ліквідаваць у бліжэйшы час.
Акрамя гэтага, нагадалі пра недапушчэнне курэння ў стане алкагольнага ап’янення, рэкамендавалі захоўваць пастаянную пільнасць пры выкарыстанні газавых і электрычных прыбораў, звярнулі ўвагу на неабходнасць устанаўлення аўтаномных пажарных апавяшчальнікаў.
Мікіта КАНДРАТОВІЧ,
інспектар Дзятлаўскага РАНС
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
