Знайсці адказ на гэта пытанне навучэнцы 6 класа гімназіі № 1 горада Дзятлава вырашылі ў рэдакцыі раённай газеты, якой у верасні споўнілася 80 гадоў.
Спецыялісты раёнкі пазнаёмілі дзяцей з гісторыяй выдання, яны пагарталі нумары газеты далёкіх для іх 1970-1990-х гадоў, з цікавасцю разглядалі рарытэтныя і сучасныя тэхнічныя сродкі.
Даведаліся гімназісты і пра спецыфіку працы творчых і тэхнічных супрацоўнікаў раённага выдання, якімі навыкамі павінен валодаць журналіст, як рыхтуецца артыкул для публікацыі. А таксама змаглі адчуць сябе ў ролі карэспандэнта і фатографа: вучыліся працаваць з прафесійнай фотакамерай. Пераходзячы з аднаго аддзела ў другі, дзеці даведаліся, як рыхтуецца кожны нумар, які парадак размяшчэння інфармацыі на старонках газеты, як вярстаецца яна на камп’ютары і куды адпраўляецца пасля вёрсткі, каб ужо раніцай свежы нумар “Перамогі” лёг на стол свайго чытача.
На пытанні гімназістаў адказала галоўны рэдактар Ірына Камарова. Яна расказала пра свой шлях у прафесію, прадэманстравала дасягненні калектыву. Сярод іх галоўная ўзнагарода – статуэтка “Залатая Літара”, якой рэдакцыя раённай газеты была ўзнагароджана ў 2021 годзе за перамогу ў Нацыянальным конкурсе сярод СМІ.
– Гэта вялікая праца. Трэба збіраць інфармацыю, пісаць артыкулы, падбіраць загалоўкі, каб зацікавіць чытача. Газету патрэбна яшчэ і звярстаць. Мне было цікава даведацца, як працуюць карэспандэнты, – адзначыў юны чытач газеты Андрэй Жыбко.
– Трэба шмат ведаць, умець данесці інфармацыю чытачу. Праца карэспандэнтаў вельмі цікавая, але складаная. Яны не толькі пішуць разнастайныя матэрыялы, але і здымаюць відэа, робяць фотаздымкі, – дадала яго аднакласніца Ангеліна Ванчук.
За 80 гадоў мянялася аблічча газеты, прыходзілі новыя супрацоўнікі, але галоўнае засталося нязменным – “Перамога” заўсёды аб’ектыўна расказвае сваім чытачам пра галоўныя падзеі ў жыцці горада, раёна, рэгіёна, краіны.
Аксана ВАНЧУК,
класны кіраўнік 6 класа гімназіі № 1 горада Дзятлава
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
#нашелучшее
#нашалепшае
Президент Беларуси Александр Лукашенко во время рабочей поездки в Брест актуализировал задачи для аграриев на…
Другі год запар ААТ “Дварэц-Агра”, падшэфнае сельгаспрадпрыемства ААТ “Молочный Мир”, трымае пальму першынства на жніве…
КСУП “Хвінявічы” славіцца высокімі паказчыкамі ў жывёлагадоўлі, нязменна знаходзячыся ў лідарах раёна па надоях, прывагах…
Гудуць магутныя машыны, высыпаючы з прычэпаў зярняты. Яны льюцца хуткай плынню, горамі ўзвышаюцца на збожжатаку…
Гродненские пограничники задержали мужчину с беспилотником кустарного производства. Об этом БЕЛТА проинформировали в Госпогранкомитете. Вблизи…
На 30-й внеочередной сессии районного Совета депутатов в должности председателя Слонимского райисполкома утверждён Виталий Шулейко,…