30 ліпеня 2017 года ў вёсцы Хрольчыцы была знішчана агнём у выніку пажару дача з размешчанымі побач гаспадарчымі пабудовамі.
На момант узнікнення пажару ў дачным доме знаходзіліся гаспадыня і яе дачка, якія ў летні перыяд там жылі. Пільны сусед разбудзіў жанчыну і яе дзесяцігадовую дачку, якія пакінулі памяшканне. На момант прыбыцця падраздзяленняў МНС агнём былі ахоплены ўжо ўсе будынкі, якія знаходзіліся на прысядзібным участку.
У выніку пажару агнём былі знішчаны дах і перакрыцці дачы, а таксама цалкам усе гаспадарчыя пабудовы на ўчастку. Магчыма, прычына пажару — парушэнне правілаў эксплуатацыі электраабсталявання.
А. БЕЛЕНКА,
інспектар Дзятлаўскага РАНС
