Пагаварылі пра сілу, пяшчоту і галоўныя каштоўнасці

У аддзеле ЗАГС Дзятлаўскага райвыканкама ў рамках Тыдня бацькоўскай любові прайшла тэматычная дыялогавая пляцоўка “Мацярынства – галоўная каштоўнасць краіны”, прысвечаная Году беларускай жанчыны і Дню маці. Удзел у ёй прымалі прадстаўнікі ўлады, працоўных калектываў, грамадскіх і прафсаюзных арганізацый, святары.

Перад пачаткам размовы педагогі сацыяльна-педагагічнага цэнтра расказалі прысутным пра акцыю “Сям’я для кожнага дзіцяці”, закліканую папулярызаваць сямейныя формы ўладкавання дзяцей, якія засталіся без апекі бацькоў.

Аб ролі жанчын у сям’і і беларускім грамадстве, іх галоўным прызначэнні паразважалі мадэратары дыялога – спецыялісты Дзятлаўскай раённай бібліятэкі Святлана Магера і Марына Крупіца. Яны заклікалі спікераў, кожнага ў рамках сваёй сферы дзейнасці, таксама выказаць меркаванні.

Аб тым, што наша нябесная маці – гэта Прасвятая Багародзіца, а першая сям’я была створана Богам у райскім садзе, нагадаў удзельнікам размовы клірык храма святых навамучанікаў і спаведнікаў Царквы Рускай у горадзе Дзятлаве іерэй Аляксей Сцепановіч. Ён падкрэсліў, што мы жывём у цудоўны час, калі ў Беларусі прапаведуюцца маральныя каштоўнасці, абараняецца традыцыйная сям’я, а ў праваслаўі мэта сям’і – захоўваць паміж сабой любоў, павагу, разуменне і не губляць веру.

Галоўны спецыяліст упраўлення па працы, занятасці і сацыяльнай абароне райвыканкама Наталля Чарняк патлумачыла, якія ёсць гарантыі і якая падтрымка аказваецца ў нашай краіне для сем’яў з дзецьмі, спынілася на відах сацыяльных дапамог і прызначэнні сямейнага капіталу.

Начальнік аддзела ЗАГС Дзятлаўскага райвыканкама Ганна Буцько прывяла лічбы раённай сямейнай статыстыкі.

Вынікі дыялога падвёў Аляксандр Бараноўскі:

– Мы пабылі ў цудоўным месцы – ЗАГСе. Жадаю, каб вы бывалі тут часцей – заключалі шлюбы, святкавалі юбілеі сумеснага жыцця, рэгістравалі дзяцей. Адметна, што ў рамках рэспубліканскай акцыі “Трэці – бацькаў” Беларуская партыя “Белая Русь” уручае “Бацькаву кашулю” – сімвалічны падарунак-абярэг ад дзяржавы – сем’ям, дзе нарадзіліся трэція па ліку дзеткі. На Дзятлаўшчыне такія падарункі ўжо атрымалі шэсць сем’яў, на чарзе яшчэ дзве. Паважаныя жанчыны, жадаю вам шчасця, каб вы кожны дзень чулі добрыя і пяшчотныя словы ад сваіх дзяцей, унукаў, мужчын, заўжды адчувалі іх клопат і ўвагу. Няхай у нашай роднай Беларусі заўжды будзе мір, а ў вашых сем’ях пануюць лад і дабрабыт.

Ірына СТЫРНІК

Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga

#нашелучшее #нашалепшае

administrator

Recent Posts

Холода не прощают беспечности

С наступлением поздней осени на первый план выходит риск возникновения пожаров и чрезвычайных ситуаций в…

9 часов ago

Ведае ўчастковы. Дайце, калі ласка, чэк

Пытанне: купляў на рынку куртку і папрасіў выдаць чэк. Прадавец сказаў, што не можа гэта…

9 часов ago

Праект “Жамчужыны зямлі Дзятлаўскай”. Таісія Сакалоўская: “Не магу сядзець без справы”

Творчы калектыў сектара нестацыянарнага абслугоўвання насельніцтва наведаў 80-гадовую юбілярку з аграгарадка Войневічы Таісію Сакалоўскую, каб…

9 часов ago

“Храму ведаў” гарпасёлка Наваельня 60 гадоў

Поўная зала сяброў, шчырыя пажаданні, цёплыя апладысменты, кранальныя ўспаміны, мілагучныя песні, памятныя падарункі – так…

22 часа ago

В Дятловском районе завершилось специальное профилактическое мероприятие «Дом без пожара»

На территории Дятловского района завершилось специальное профилактическое мероприятие «Дом без пожара», направленное на предупреждение пожаров…

22 часа ago

Тры дзесяцігоддзі, прысвечаныя людзям

У Новаяльнянскім сельскім выканаўчым камітэце на заслужаны адпачынак урачыста праводзілі кіраўніка спраў Ірыну Каспяровіч. Ірына…

23 часа ago