Новыя кватэры – для абаронцаў Айчыны і іх сем’яў

Напярэдадні 23 лютага супрацоўнікі Дзятлаўскага РАНС, аддзела ўнутраных спраў райвыканкама, папраўчай калоніі-пасялення № 26 атрымалі выдатны падарунак – ключы ад арэндных кватэр у новым доме па вуліцы Прытыцкага ў Дзятлаве, узведзеным па рэспубліканскай праграме будаўніцтва арэнднага жылля для ваеннаслужачых.

Урачыстасць з гэтай нагоды адбылася пры ўдзеле кіраўніцтва раёна, сілавых структур, падрадных арганізацый, духавенства. Многія навасёлы прыйшлі цэлымі сем’ямі.

Старшыня раённага выканаўчага камітэта Андрэй Садоўскі павіншаваў іх з атрыманнем арэнднага жылля:

– Сёння ў нашым горадзе вельмі значнае мерапрыемства – мы ўручаем ключы ад арэнднага жылля, пабудаванага з падтрымкай дзяржавы. Гэты дом – падарунак Дзятлаву і яго жыхарам, узведзены ён за сродкі рэспубліканскага і абласнога бюджэту і налічвае 30 кватэр агульным коштам каля 5 мільёнаў 800 тысяч рублёў. Дом пабудаваны згодна з Указам Прэзідэнта Рэспублікі Беларусь № 119, які прадугледжвае будаўніцтва арэнднага жылля для сем’яў ваеннаслужачых і грамадзян, якія маюць першачарговае права яго атрымаць. Словы ўдзячнасці хачу выказаць заказчыку работ – Слонімскаму ўпраўленню капітальнага будаўніцтва, якое ажыццяўляла тэхнічны нагляд, а таксама генеральнаму падрадчыку ААТ “Гроднажылбуд” за тое, што дом быў пабудаваны ўсяго за сем месяцаў. Будаўніцтва вялося ў складаных умовах, аднак было паспяхова і якасна завершана. А з дапамогай раённага бюджэту мы стварылі інфраструктуру, заасфальтавалі вуліцы, каб дом стаў сапраўдным упрыгажэннем горада.

Андрэй Уладзіміравіч пажадаў, каб у доме панавалі дабрабыт і згода, гучаў дзіцячы смех, жылі добры настрой, усмешкі блізкіх людзей.

– Ад імя аб’яднання ААТ “Гроднажылбуд” віншую вас, шаноўныя навасёлы, з гэтай падзеяй – атрыманнем уласнага жылля, – далучыўся да пажаданняў намеснік генеральнага дырэктара па будаўніцтве ААТ “Гроднажылбуд” Пётр Касцюкевіч. – Свая кватэра – новы этап у жыцці кожнага чалавека, жадаю вам знайсці ў ёй свой куточак шчасця. Няхай тут пануе атмасфера добрасуседства. Сёлета Дзень абаронцаў Айчыны для вас удвая больш значнае свята. Усяго найлепшага вам!

Андрэй Садоўскі прыняў сімвалічны ключ ад новага дома з рук Пятра Уладзіміравіча, каб перадаць яго Дзятлаўскаму РУП ЖКГ, на балансе якога будзе арэнднае жыллё.

Словы ўдзячнасці і памятныя падарункі ад кіраўніцтва раёна атрымалі Пётр Касцюкевіч і дырэктар упраўлення капітальнага будаўніцтва Слонімскага раёна Людміла Заяц.

Раённымі ўзнагародамі былі адзначаны работнікі ААТ “Гроднажылбуд”, якія прымалі ўдзел ва ўзвядзенні дома: Ганаровай граматай Дзятлаўскага райвыканкама – прараб участка № 1 Яўгеній Варэнік, падзячнымі лістамі старшыні Дзятлаўскага райвыканкама – майстар участка № 2 Арцём Бірук, прараб участка нулявога цыкла Андрэй Чарняк.

Андрэй Садоўскі ўручыў ключы ад кватэр і памятныя падарункі навасёлам. Імі сталі адзінаццаць супрацоўнікаў раённага аддзела па надзвычайных сітуацыях, пяць – аддзела ўнутраных спраў і адзін – Дэпартамента выканання пакаранняў. Трынаццаць кватэр у новабудоўлі належаць да камунальнай формы ўласнасці і перададзены ў жыллёвы фонд Дзятлаўскага раёна.

Павіншаваў дзятлаўчан са знакавай падзеяй у іх жыцці намеснік начальніка Гродзенскага абласнога ўпраўлення МНС Рэспублікі Беларусь палкоўнік унутранай службы Аляксандр Ясеў.

– У нашай краіне шмат увагі надаецца пытанням бяспекі. Гэта відаць як у маштабах Рэспублікі Беларусь, так і непасрэдна ў Дзятлаўскім раёне, – адзначыў Аляксандр Яўгеньевіч і ўручыў ключы ад арэнднага жылля супрацоўнікам РАНС. – Усе мы помнім, які сучасны прыгожы будынак пажарнага дэпо не так даўно быў узведзены ў раёне. Створаны ўсе ўмовы для нясення службы, закуплена новая аварыйна-выратавальная тэхніка, пажарныя аўтамабілі. Засталося толькі вам самім удасканальваць прафесійную і фізічную падрыхтоўку. Два гады таму Прэзідэнт прыняў рашэнне аб будаўніцтве арэнднага жылля для ваеннаслужачых і супрацоўнікаў сілавых структур. За 2023-24 гады на Гродзеншчыне нашым работнікам было перададзена ў карыстанне 90 кватэр, у гэтым – ужо 37, з іх 11 – на Дзятлаўшчыне. На другое паўгоддзе запланавана засяленне яшчэ 48 арэндных кватэр для ратаўнікоў. Жадаю ўсім, хто сёння атрымаў ключы ад новага жылля, шчасця, дастатку, здароўя. Нашым абаронцам – быць заўсёды паспяховымі ў папярэджанні і ліквідацыі надзвычайных сітуацый, абароне грамадзян ад супрацьпраўных дзеянняў і каб заўсёды над нашымі дамамі было мірнае неба.

Як і належыць, на пачатку новага этапу жыцця разам з дзятлаўчанамі памаліліся пробашч касцёла Найсвяцейшай Панны Марыі ў Дзятлаве Андрэй Лішко і благачынны цэркваў Дзятлаўскай акругі іерэй Іаан Кісель. Яны асвяцілі кватэры і пажадалі навасёлам шчасця, дабрабыту і Божай ласкі ў сваім жыллі.

Шчаслівыя ўладальнікі арэндных кватэр падзяліліся сваімі ўражаннямі.

Дзяніс і Таццяна Жыбарты:

– Свая кватэра – самая выдатная падзея для нашай сям’і: доўгі час мы жылі з бацькамі. Цяпер самі будзем гаспадарамі, за што шчыры дзякуй хочам сказаць кіраўніцтву краіны, нашага раёна і аддзела ўнутраных спраў. Кватэра пабудавана “пад ключ”, таму плануем у бліжэйшым часе пераехаць . Мэблю ўжо купілі, засталося толькі кухню заказаць. Месца тут прыгожае, спакойнае для нас і дзяцей. Пажадаем усім, хто сёння засяляецца, дабрабыту, дружных суседзяў і ладу ў доме.

Сяргей і Ангеліна Ляхі:

– Мы вельмі радыя і шчаслівыя! Дзякуй дзяржаве і Прэзідэнту за клопат пра тых, хто служыць Радзіме і грамадству. Сваё жыллё – гэта вельмі важна для кожнай сям’і, тым больш што ў нас падрастаюць двое дзяцей: старэйшаму чатыры з паловай гады, малодшай толькі чатыры месяцы. Дагэтуль мы жылі ў бацькоўскай кватэры ў Дзятлаве, а сёння прыйшлі на наваселле ўсе разам. Кватэра трохпакаёвая, вельмі спадабалася планіроўка – прасторныя пакоі, два балконы, адразу з рамонтам, вокны на сонечны бок. Цяпер можна заняцца пакупкай новай мэблі, каб на працягу года засяліцца.

Наталля АВЯРЧУК

Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga

#нашалепшае #нашелучшее

administrator

Recent Posts

Холода не прощают беспечности

С наступлением поздней осени на первый план выходит риск возникновения пожаров и чрезвычайных ситуаций в…

5 часов ago

Ведае ўчастковы. Дайце, калі ласка, чэк

Пытанне: купляў на рынку куртку і папрасіў выдаць чэк. Прадавец сказаў, што не можа гэта…

5 часов ago

Праект “Жамчужыны зямлі Дзятлаўскай”. Таісія Сакалоўская: “Не магу сядзець без справы”

Творчы калектыў сектара нестацыянарнага абслугоўвання насельніцтва наведаў 80-гадовую юбілярку з аграгарадка Войневічы Таісію Сакалоўскую, каб…

5 часов ago

“Храму ведаў” гарпасёлка Наваельня 60 гадоў

Поўная зала сяброў, шчырыя пажаданні, цёплыя апладысменты, кранальныя ўспаміны, мілагучныя песні, памятныя падарункі – так…

18 часов ago

В Дятловском районе завершилось специальное профилактическое мероприятие «Дом без пожара»

На территории Дятловского района завершилось специальное профилактическое мероприятие «Дом без пожара», направленное на предупреждение пожаров…

19 часов ago

Тры дзесяцігоддзі, прысвечаныя людзям

У Новаяльнянскім сельскім выканаўчым камітэце на заслужаны адпачынак урачыста праводзілі кіраўніка спраў Ірыну Каспяровіч. Ірына…

19 часов ago