Дзятлаўскі раённы аддзел Следчага камітэта расследуе крымінальную справу на двух непаўналетніх.
У канцы мая 2019 года падлеткі скарысталіся ключамі ад аўтамабіля бацькі аднаго з іх, якія знайшлі ў доме. Хлопцы вырашылі ўпотай ад дарослых узяць машыну. Яны пакаталіся па тэрыторыі нашага раёна і вярнулі аўтамабіль назад. За гэты на першы погляд “бяскрыўдны” ўчынак непаўналетнія могуць быць прыцягнуты да крымінальнай адказнасці. За падобнае злачынства і некаторыя іншыя віды злачынстваў адказнасць надыходзіць з 14 гадоў.
Арцём АНТОНЧЫК,
следчы Дзятлаўскага раённага аддзела Следчага камітэта
