На Дзятлаўшчыне прайшла рэспубліканская прафілактычная акцыя “Рух па правілах!”.
Мэта яе – папярэджанне дарожна-транспартных здарэнняў з удзелам веласіпедыстаў і асобаў, якія перамяшчаюцца на сродках персанальнай мабільнасці.
– Веласіпедны сезон у разгары, а гэта значыць, што на вуліцах штодзень рухаецца вялікая колькасць веласіпедыстаў розных узростаў. Гэта акалічнасць абавязвае аўтамабілістаў быць больш адказнымі і акуратнымі ў час руху ў горадзе і за яго межамі, – адзначыў дзяржаўтаінспектар міжраённага аддзела ДАІ Андрэй Іскра. – Аднак і самім веласіпедыстам, а таксама пешаходам варта быць на дарозе асабліва ўважлівымі.
Дзяржаўтаінспектары разам з супрацоўнікамі газеты “Перамога” ўдзялілі пільную ўвагу кантролю за выкананнем правілаў дарожнага руху веласіпедыстамі і асобамі на сродках персанальнай мабільнасці. Акрамя таго, уручылі вадзіцелям і пешаходам друкаваныя памяткі, нагадалі аб прычынах і наступствах аварый.
Вольга ЮШКЕВІЧ
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
