На лаве падсудных – злосныя хуліганкі

Суд Дзятлаўскага раёна ў адкрытым судовым пасяджэнні разгледзеў крымінальную справу па абвінавачванні раней судзімай ураджэнкі Брэсцкай вобласці М., 1996 года нараджэння, і непаўналетняй жыхаркі Слоніма А., 2000 года нараджэння, ва ўчыненні злоснага хуліганства.

У лістападзе 2017 года дзяўчыны прыехалі ў гарадскі пасёлак Казлоўшчына. Падзеі, з-за якіх аматаркі прыгод трапілі на лаву падсудных, адбываліся ў вячэрні час спачатку на вуліцы Савецкай гарпасёлка. Сяброўкі былі нападпітку. Яны сустрэлі дзвюх мясцовых школьніц, 2004 года нараджэння. Размова пачалася з пустога, а перарасла ў бойку. Грамадзянкі М. і А. нанеслі школьніцам па некалькі ўдараў. У выніку ў адной пацярпелай была падрапана шчака, другой пашанцавала менш, бо яе павалілі на зямлю, білі нагамі. З-за гэтага ў дзяўчыны засталіся крывападцёкі на левым воку і левым калене.

Аднак і гэтым зламысніцы не ўтаймавалі сваю агрэсію. Каля будынка Казлоўшчынскага дома культуры М. і А. сустрэлі наступную сваю ахвяру – мясцовую школьніцу, 2000 года нараджэння. Дзяўчыну штурхалі, цягалі за валасы, білі нагамі па нагах, пакуль адзін з прысутных хлопцаў яе не абараніў.

У час суда М. і А. сваю віну прызналі поўнасцю і пакаяліся ва ўчыненым злачынстве.

Суд Дзятлаўскага раёна прызнаў грамадзянак М. і А.. На падставе часткі 2 артыкула 339 Крымінальнага кодэкса Рэспублікі Беларусь абедзвюм было прызначана пакаранне ў выглядзе пазбаўлення волі на два гады.

У сілу патрабаванняў частак 1, 2 артыкула 78 Крымінальнага кодэкса Рэспублікі Беларусь вызначанае пакаранне не будзе прымяняцца пры ўмове, што на працягу года (выпрабавальны тэрмін) асуджаныя не ўчыняць новае злачынства і будуць выконваць ускладзеныя на іх абавязкі.

Суд абавязаў грамадзянку М. на працягу 6 месяцаў пасля ўступлення прыгавора ў законную сілу выплаціць у даход дзяржавы крымінальна-прававую кампенсацыю ў памеры 50 базавых велічыняў (1225 рублёў).

Аляксандр ЮРКЕВІЧ,
намеснік пракурора Дзятлаўскага раёна

 

 

administrator

Recent Posts

Холода не прощают беспечности

С наступлением поздней осени на первый план выходит риск возникновения пожаров и чрезвычайных ситуаций в…

10 часов ago

Ведае ўчастковы. Дайце, калі ласка, чэк

Пытанне: купляў на рынку куртку і папрасіў выдаць чэк. Прадавец сказаў, што не можа гэта…

10 часов ago

Праект “Жамчужыны зямлі Дзятлаўскай”. Таісія Сакалоўская: “Не магу сядзець без справы”

Творчы калектыў сектара нестацыянарнага абслугоўвання насельніцтва наведаў 80-гадовую юбілярку з аграгарадка Войневічы Таісію Сакалоўскую, каб…

10 часов ago

“Храму ведаў” гарпасёлка Наваельня 60 гадоў

Поўная зала сяброў, шчырыя пажаданні, цёплыя апладысменты, кранальныя ўспаміны, мілагучныя песні, памятныя падарункі – так…

23 часа ago

В Дятловском районе завершилось специальное профилактическое мероприятие «Дом без пожара»

На территории Дятловского района завершилось специальное профилактическое мероприятие «Дом без пожара», направленное на предупреждение пожаров…

24 часа ago

Тры дзесяцігоддзі, прысвечаныя людзям

У Новаяльнянскім сельскім выканаўчым камітэце на заслужаны адпачынак урачыста праводзілі кіраўніка спраў Ірыну Каспяровіч. Ірына…

1 день ago