Стала добрай традыцыяй ў час канікул запрашаць да сябе ў госці вучняў з другіх школ для правядзення сумесных мерапрыемстваў.
Гэтыя восеньскія канікулы не сталі выключэннем. З мэтай папулярызацыі здаровага ладу жыцця, прафілактыкі шкодных звычак у Казлоўшчынскай сярэдняй школе адбылася сяброўская сустрэча па валейболу “Мы разам супраць наркотыкаў!” сярод каманд Вензавецкага дзіцячага садка-сярэдняй школы, Навасёлкаўскага дзіцячага садка-базавай школы Слонімскага раёна і Казлоўшчынскай сярэдняй школы. Перамога засталася за гаспадарамі. Усе ўдзельнікі ўзнагароджаны граматамі і сувенірамі.
“Але не самае галоўнае, за кім засталася перамога. Галоўнае – гэта зносіны, новыя знаёмствы, гэта тое, што мы разам за здаровы лад жыцця, супраць наркотыкаў,” – сцвярджае Гушча Валерыя, капітан каманды Казлоўшчынскай сярэдняй школы.
Наталія Каўцэвіч,
педагог-арганізатар Казлоўшчынскай сярэдняй школы
